في وقت بقينا كل يوم فيه محاطين بإعلانات في كل حتة من أول الموبايل لحد الشارع بدأ الناس يدوروا على حاجة أصدق وأقرب ليهم وهنا ظهر مفهوم التسويق المجتمعي (Community Marketing)
وهو واحد من أهم الطرق اللي بتخلي الـ Brand يبني علاقة حقيقية ومستدامة مع جمهوره.
التسويق المجتمعي مش بيع مباشر ومش حملات تقليدية ده أسلوب بيعتمد على بناء مجتمع بيجمع الناس اللي بتحب الـ Brand أو مهتمة بيه.
وبيخلق مساحة للتواصل والمشاركة وتبادل الخبرات بين العملاء اللي بتستخدم المنتج كتير والعملاء اللي بتستخدم المنتج من قريب ويديلهم فرصة يتعرفوا على الـ Brand.
في المقال ده، هنتكلم عن يعني إيه تسويق مجتمعي وليه بقى مهم دلوقتي وازاي تقدر تطبقه على مشروعك أو الـ Brand بتاعك بنجاح.
يعني إيه تسويق مجتمعي وليه بقى مهم دلوقتي أكتر من أي وقت فات؟
في الزمن اللي احنا فيه دلوقتي وبالذات مع تطور الـ Social Media وسلوك المستهلكين ظهر نوع جديد من التسويق اسمه التسويق المجتمعي – Community Marketing.
واللي بيعتبر واحد من أقوى الطرق اللي بتخلي الجمهور يرتبط بالـ Brand بشكل حقيقي وطويل المدى وتأثير يكون حقيقي.
ايه هو التسويق المجتمعي؟
التسويق المجتمعي ببساطة هو إنك تبني مجتمع حوالي البراند بتاعك، سواء أونلاين (زي جروب على فيسبوك أو مجتمع على إنستجرام أو ديسكورد)، أو في الحياة الواقعية (زي لقاءات أو فعاليات).
الهدف مش بس البيع لكن كمان خلق تواصل وتفاعل وحوار بين الناس اللي بيحبوا البراند أو مهتمين بيه أو اللي ممكن يهتم بيه بيزود من فرصته.
ليه التسويق المجتمعي مهم؟
1- الناس بتحب تحس إنها جزء من حاجة
لما العميل يحس إنه ضمن مجتمع ليه علاقة بالـ Brand ده بيخليه أوفى وأكتر ولاءً وبيبقى صعب يستبدلك بأي Brand تاني بسهولة.
2- الناس بتسمع لبعض أكتر ما بتسمع للإعلانات
توصية من عميل حقيقي جرب المنتج بتفرق جدًا ودي نقطة قوة المجتمع اللي بيتكلم عنك من نفسه وبتبدأ تقترح وتزود من فرصة تفاعلهم فعلا.
3- بيوفر في الإعلانات
بدل ما تصرف كتير على حملات ممولة واعلانات كتير الـ Community Marketing ممكن يساعد في الانتشار من خلال المشاركات والتفاعل والمحتوى اللي بيخلقه الأعضاء وده بردو اسمه (User Generated Content).
4- تغذية راجعة حقيقية
من خلال التفاعل مع المجتمع ده وهتعرف رأي الناس في المنتج والمشاكل اللي بتقابلهم واقتراحاتهم لتطويره ورأيهم الصريح في المنتج.
تعالي اقولك على أمثله ازاي تخلق مجتمع يفيدك في الـ Community Marketing
- جروب على فيسبوك لعملائك يتبادلوا فيه خبراتهم مع البراند.
- تنظيم لقاءات أونلاين أو في أماكن عامة لناس بتحب البراند.
- مسابقات تشجع الناس يشاركوا صورهم أو تجاربهم مع منتجك.
- محتوى حصري لأعضاء المجتمع (زي خصومات، أو فيديوهات تعليمية، أو هدايا).
ازاي تنجح في التسويق المجتمعي
مفتاح النجاح هنا هو الصدق والتفاعل الإنساني الحقيقي عشان الناس بتحس بسرعة لو البراند بيتكلم عشان يبيع بس وبيزهقوا.
لازم تحترم الناس وتسمعهم وتخليهم حاسين إن ليهم قيمة فعلًا وكمان لازم تقدم محتوى له قيمه ويعلم ويفيد أو حتى ممكن يكون مسلي.
التسويق المجتمعي مش بس تريند ده مستقبل التسويق اللي بيركز على بناء علاقات حقيقية بين الـ Brand والناس لما تبني مجتمع قوي حوالي الـ Brand وأنت مش بس بتكسب عملاء لكن كمان بتكسب سفراء بيدافعوا عنك وبيسوقوا لك من قلبهم.
