Ads Square AI Artifcial ilegence

ازاي الذكاء الاصطناعي قدر يغير قواعد اللعبة؟

زمان كان التسويق بيعتمد بشكل كبير على الطرق التقليدية زي اعلانات التلفزيون والراديو والجرايد ولكن مع تطور التكنولوجيا وبالأخص الذكاء الاصطناعي بقى الموضوع مختلف تماما. دلوقتي الشركات بتستخدم الـ AI علشان تفهم عملائها أكتر وتوصلهم بالطريقة الصح وتحقق أفضل نتائج بأقل تكلفة. طيب ازاي ده بيحصل وبيعمل ايه؟ 1 . تحليل البيانات واتخاذ القرارات الذكاء الاصطناعي بقى قادر إنه يحلل كم كبير جدا من البيانات في ثواني ويطلع منها أنماط واتجاهات تساعد الشركات تفهم جمهورها أكتر. بدل ما الـ Marketers يقعدوا بالساعات يحللوا الأرقام دلوقتي الـ AI بيعمل ده بسرعة وبدقة وبيقترح عليهم أفضل الاستراتيجيات اللي تناسب السوق. يعني مثلًا لو عندك website ممكن الـ AI ممكن يقولك ايه المنتجات اللي عليها اقبال أو يقولك ايه الوقت المناسب لنشر الإعلانات وكمان يقترح لك عروض مناسبة لكل عميل حسب اهتماماته. 2. تجربة مخصصة لكل عميل أكيد لاحظت لما تدخل على موقع زي أمازون أو نون وبتلاقي المنتجات اللي بتظهر لك قريبة من اهتماماتك وده بفضل الذكاء الـ AI. التكنولوجيا دي بتساعد الشركات انها تقدم تجربة مخصصة لكل شخص بحيث كل عميل يحس ان الإعلان معمول مخصوص عشانه. نفس الفكرة بتحصل في منصات زي نتفليكس وسبوتيفاي اللي بيقترحوا عليك أفلام وأغاني بناءًا على اللي بتسمعه أو بتتفرج عليه. 3. روبوتات الدردشة (Chatbots) وخدمة العملاء AI Agent زمان لو كنت عايز تستفسر عن حاجة من خدمة العملاء كان لازم تستنى على التليفون لحد ما حد يرد عليك لكن دلوقتي بقى فيه “chatbots” اللي بتستخدم الـ AI للرد الفوري على أسئلة العملاء. مش بس كده دي كمان بتتعلم مع الوقت وبتحسن من ردودها وده بيساعد الشركات توفر خدمة أسرع وأفضل من غير ما تحتاج عدد كبير من موظفي خدمة العملاء. 4. الإعلانات الذكية والموجهة بدقة دلوقتي الإعلانات بقت أذكى بكتير من زمان بفضل الذكاء الاصطناعي الشركات بقت تقدر تستهدف العملاء بدقة من خلال تحليل سلوكهم على الإنترنت. يعني لو بتدور على موبايل جديد هتلاقي إعلانات لموبايلات بتظهر لك في فيسبوك وانستاجرام وجوجل وده لأن الذكاء الاصطناعي بيحدد اهتماماتك وبيوجه لك الاعلان المناسب في الوقت المناسب. وده اللي بيخلي الحملات الإعلانية أكتر كفاءة وأقل تكلفة لأن الشركات بتوصل للعميل اللي فعلاً مهتم بالمنتج. 5. التنبؤ بالسوق وتحسين الاستراتيجيات من الحاجات المهمة اللي بيوفرها الذكاء الاصطناعي هي القدرة على التنبؤ بالاتجاهات المستقبلية للسوق. يعني لو شركة شغالة في الملابس الـ AI ممكن يحلل بيانات السوق ويقول لهم ايه الموضة اللي هتكون منتشرة في الموسم الجاي وبكده يقدروا يجهزوا المنتجات المناسبة قبل المنافسين. عشان كدا الذكاء الاصطناعي قدر يغير شكل التسويق 180 درجة وخلى كل حاجة أذكى وأسرع وأكثر تخصيصًا. وبقى يساعد الشركات في تحليل البيانات وتحسين تجربة العملاء وتوجيه الإعلانات بدقة وتوقع اتجاهات السوق. عشان كدا الذكاء الاصطناعي بقي جزء كبير من الـ digital marketing وقدر يغير قواعد اللعبة. لو عايز تقرأ Blogs أكتر تقدر تزور المدونة او صفحتنا على facebook

ازاي الذكاء الاصطناعي قدر يغير قواعد اللعبة؟ Read More »

SOSTAC Model - Marketing plan - Marketing agency

عايز تعمل Marketing Plan يبقى SOSTAC Model

لو بتشتغل في الـ Marketing يبقى لازم تبقي عارف SOSTAC Model وده واحد من أشهر الطرق في التخطيط التسويقي وبيوفر نهج شامل ومنظم لوضع استراتيجيات التسويق وتنفيذها وتحليلها. و SOSTAC Model عبارة عن 6 مراحل كل مرحلة بتكمل اللي قبلها ولو نفذتها صح هتضمن إن الـ Marketing Campaign بتاعتك تطلع بأفضل شكل ممكن.  عشان كدا خلينا نشرح كل مرحلة ببساطة: تحليل الوضع الحالي (Situation Analysis) أول حاجة لازم تسأل نفسك احنا فين دلوقتي؟ وهو ده الـ Situation Analysi وهنا بتبدأ تحلل كل حاجة عن الـ Business بتاعك: يعني السوق عامل ايه؟ المنافسين بيعملوا ايه؟ نقاط القوة والضعف اللي عندك؟ ايه الفرص اللي ممكن تستغلها وايه التهديدات اللي ممكن تواجهك في المستقبل وحلها؟ وده اسمه تحليل SWOT (القوة – الضعف – الفرص – التهديدات) وهو اللي هيساعدك تفهم مكانك في السوق وتاخد قرارات أذكى.  كمان ممكن استخدم أدوات تحليل زي Google Analytics وMeta Business Suite علشان تفهم جمهورك أكتر. تحديد الأهداف (Objectives) بعد ما عرفت وضعك الحالي بعدها بيبقي لازم تحدد أهداف واضحة عشان تعرف تبني أساس للـ Business بتاعك مش أي أهداف عشان كدا لازم تكون SMART: يعني محددة (Specific) وقابلة للقياس (Measurable) وممكن تحقيقها (Achievable) ومرتبطة بمجالك (Relevant) ومحددة بوقت (Time-bound) مثلا بدل ما تقول “عايز أزود المبيعات” قول: “هزود المبيعات بنسبة 20% خلال 6 شهور من شهر يناير لشهر يوليو”.  كده الهدف بقى SMART. الاستراتيجية (Strategy) هنا بتسأل نفسك سؤال مهم وهو ازاي هنحقق الأهداف دي؟ وهنا بنحدد الـ Target Audience وبنشوف ايه الطريقة الأحسن عشان نوصل ليهم.    وبنستخدم STP Model واللي هو (Segmentation – Targeting – positioning) علشان نحدد جمهورنا بدقة ونعرف ازاي نكلمهم صح. يعني لو بتسوق لـ Brand لبس شبابي هيبقي جمهورك الأساسي هيكون من 18-25 سنة وده معناه إن Instagram و TikTok هما أفضل الـ Platforms عشان توصلهم. التكتيكات (Tactics) هنا بننقل الاستراتيجية من الورق للتنفيذ الفعلي لازم تختار الـ Channels اللي هتوصل بيها للجمهور زي: الإعلانات المدفوعة (Google Ads – Meta Ads) السوشيال ميديا تحسين محركات البحث (SEO) التسويق بالمحتوى (Content Marketing) وهنا لازم تحدد الميزانية لكل قناة وأهم KPIs اللي هتقيس بيها النجاح اللي هتوصله. التنفيذ (Action) هنا بنبدأ نحدد مين هيعمل ايه؟ وامتى؟ وازاي؟ ولازم يكون عندك خطة تشغيلية كاملة بتحدد مين مسؤول عن كل جزء في مرحلة التنفيذ والـ Timeline اللي هتمشي عليه.   مثلاً لو بتعمل حملة تسويقية لشركة عقارات ممكن تخلي فريق للمحتوى يكتب المنشورات والإعلانات وفريق للتصميم يجهز الصور والفيديوهات وفريق الإعلانات الممولة تحدد الميزانية والاستهداف واكيد فريق لخدمة العملاء ترد على استفسارات العملاء وكل ده لازم يكون منسق عشان يطلع بشكل احترافي. التحكم والتقييم (Control) وهي اخر خطوة وأهم خطوة وهنا بنشوف هو بقي الحملة نجحت ولا لأ؟ بنستخدم أدوات تحليل زي Google Analytics – Meta Insights – Hotjar علشان نعرف أداء الحملة وبناءًا عليه بنعدل ونحسن من الاستراتيجية اللي شغالين عليها.   يعني لو مثلا لاحظت إن إعلانات Instagram بتجيب نتائج أحسن من Facebook يبقى تركز عليها أكتر في الحملات الجاية.  ليه SOSTAC Model مهم لأي Marketing Agency؟ الـ SOSTAC Model هو اللي بيخليك منظم وكل خطوة واضحة ومحددة وبيوفر وقت ومجهود لأنك مش بتشتغل بعشوائية وبيساعدك تطور حملاتك من خلال المراقبة والتقييم المستمر والتحليل الدقيق. يعني من الاخر SOSTAC Model مش مجرد نظرية ده دليل عملي لأي حد عايز يعمل خطة تسويقية ناجحة.  ولو قدرت تطبقه صح هتقدر تحقق نتائج أقوى وتخلي كل حملة تسويقية عندك مبنية على أسس قوية. لو عايز تقرأ Blogs أكتر تقدر تزور المدونة او صفحتنا على facebook

عايز تعمل Marketing Plan يبقى SOSTAC Model Read More »

ازاي جيل زد قدر يغير من مفهوم التسويق؟

ازاي جيل زد قدر يغير من مفهوم التسويق؟ انت عارف ان  (Generation Z) قدر يغير كتير من مفهوم التسويق التقليدي اللي متعودين عليه بقالنا سنين. بس قبل ما اقولك ازاي تعالي اقولك مين هما  أو Gen Z جيل Z اللي هما مواليد الألفينات وهما غيروا مفهوم التسويق 180 درجة بسبب اعتمادهم على التكنولوجيا والمحتوى التفاعلي وبيفضلوا الفيديوهات القصيرة. زي TikTok وReels ووبيتأثروا بالمؤثرين اللي عندهم Followers اقل من 100 ألف وبيدعموا الـ Brands اللي عندها قيم واضحة، وبيحب التجارب الشخصية والتفاعل مع البراندات.  بسبب جيل زد الشركات اضطرت تركز على التسويق العفوي ويستخدموا الـ AI . بسبب انهم جيل رقمي من صغره وكمان هما عندهم Community خاصة بيهم . عشان كدا الشركات مضطره تتوافق مع الـ Communities دي لأن الجيل ده مش مجرد مستهلك هو اللي له دور كبير في انه يشارك في صناعة المحتوى ويعمل الـ Trends بنفسه. أهم الطرق اللي جيل زد (Gen Z) أثروا بيها على التسويق: الاعتماد على المحتوى القصير والتفاعلي  بيحب المحتوى السريع والتفاعلي زي الفيديوهات القصيرة على TikTok  و Instagram Reels وYouTube Shorts. عشان كدا الشركات اضطرت تغير استراتيجياتها وتركز على Storytelling السريع والجذاب. وتكتر من عدد الـ Videos اللي تكون مش مملة ومتوافقه مع تفكيرهم. الإعلانات لوحدها مش كفاية لازم تكون تجربة حقيقية الجيل ده مبيصدقش الإعلانات المباشرة اللي بتجيله بشكل صريح لكنه بيتأثر بتجارب حقيقية وكمان بيهتموا بالمؤثرين الصغار (Micro-Influencers). اللي هما عندهم أقل من 100 ألف متابع لانهم بقى ليهم دور أكبر من المشاهير لأنهم بيحسوا أنهم “أقرب للواقع وأقرب لتفكيرهم”. القيم أهم من المنتج هما من أكتر الأجيال اللي بتهتم بالقضايا الاجتماعية والنفسية والبيئية والمساواة . وبالتالي بيفضلوا الشركات اللي عندها مواقف واضحة وصريحة تجاه القضايا دي مش مجرد منتجات . وقدروا يثبتوا أنهم لو هيضطروا يقاطعوا منتج معين بسبب انه مش متوافق مع القضايا المهتم بيها. عشان كدا الـ Brands بقت تستخدم التسويق القائم على القيم (Purpose-Driven Marketing) عشان تكسب ولائهم. الذكاء الاصطناعي والتكنولوجيا  التفاعل مع الـ Chatbots وتجارب الواقع المعزز (AR) والتسويق المخصص باستخدام الذكاء الاصطناعي بقى ضروري عشان يجذب انتباهم. زي فلاتر تجربة الملابس عبر AR قبل الشراء. الـ Community مش مجرد جمهور  هما مش مجرد متلقّي وبس هو بيحب يشارك ويأثر في المحتوى وده خلى الشركات تركز على بناء مجتمعات تفاعلية. في براندات زي Nike وAdidas بتعمل تحديات وتفاعلات على السوشيال ميديا لتحفيز الجمهور على المشاركة. منصات جديدة يعني أساليب جديدة الجيل ده مش موجود بس على فيسبوك خالص ولكنه موجود على وانستجرام ومسيطر بشكل كبير على TikTok و Discord و Snapchat فالشركات اللي بتستهدف جيل زد بقت مضطرة تغير الـ platforms بتاعت التسويق وتبتكر في المحتوى. الشخصية العفوية في المحتوى جيل زد بيفضل البراندات اللي بتظهر بشكل حقيقي ومش مزيفه ولا مبالغ فيها وبالتالي بقى في اتجاه للتسويق العفوي والمرح وأهم حاجه تكون طريقتهم في التسويق Friendly بدل التسويق الرسمي. يعني من الاخر جيل زد (Gen Z) جه وأجبر الشركات على التخلي عن الطرق تقالليدية في التسويق وتركز أكتر على التفاعل الحقيقي والقيم والتكنولوجيا والمحتوى القصير واللي مش هيقدر يواكب ده ببساطة هيخرج من حسبتهم ولكن انت دلوقتي تقدر توظف في شركتك جيل زد عشان رغم ان سنهم صغير هما قادرين يخلوك موجود بشكل Active وسط المنافسين. لو عايز تقرأ Blogs أكتر تقدر تزور المدونة او صفحتنا على facebook

ازاي جيل زد قدر يغير من مفهوم التسويق؟ Read More »

بيع واشتري من مكانك مع الـ Drop Shipping

لو فكرت كتير أو سمعت عن  الـ Drop Shipping ومش عارف ايه ده انهارده انا هقولك كل اللي محتاج تعرفه عنه هو أسهل طريقة تبدأ بيها مشروعك في الـ Ecommerce لانها هي المستقبل دلوقتي بقى واحد من أشهر الطرق اللي ناس كتير بتدخل بيها عالم التجارة الإلكترونية بسهولة ومن غير تكلفة كبيرة وفكرته ببساطة هي انك تبيع منتجات على الانترنت من غير ما تكون موجوده عندك اساسا أو حتى تتعامل مع شركات الشحن.  يعني ايه الـ Drop Shipping  الـ Drop Shipping هو انك تفتح Website ومنه تعرض منتجات كتير ولما حد يطلب منتج من عندك المنتج ده يروح للمورد أو الشركة اللي بتوفر المنتج اللي انت واخده من عندها وهما اللي بيشحنوا المنتج للعميل على طول وانت بتاخد نسبتك ببساطة.  يعني من الاخر انت في مقام وسيط بين العميل والمورد أو المصنع اللي عنده المنتج. مميزات الـ Drop Shipping  1- تكاليف قليلة   مش هتحتاج مخازن أو تشتري كميات كبيرة من المنتجات عشان تبيعها وتكسب وده بيخلي البداية سهلة ومفيهاش مخاطر كبيرة.   2- سهولة البداية   بمنصات زي Shopify أو WooCommerce تقدر تبدأ تعمل website بكل سهولة ومع شوية فيديوهات تعليمية هتبقى جاهز تكون Professional.   3- المرونة   ممكن تدير مشروعك من أي مكان في العالم طالما عندك لاب توب و انترنت قوي.   4- تنوع المنتجات   تقدر تعرض منتجات كتير ومتنوعة وتوفر للمستهلك كل اللي هو محتاجه من مكان واحد من غير ما تشيل هم انك تخزنها.   عيوب الـ Drop Shipping  1- منافسة كبيرة   ناس كتير بتعمل نفس الحاجة دي فانت هتكون محتاج تبذل مجهود عشان تتميز وسطهم.   2- جودة المنتج وخدمة الشحن   لو المورد مش موثوق ممكن تواجه مشاكل زي شكاوى العملاء بسبب جودة المنتجات أو تأخير الشحن.   3- أرباح قليلة   مع تكلفة الإعلانات ورسوم المنصات الأرباح ممكن تكون مش كبيرة زي ما انت فاكر خصوصا في البداية.   4- الاعتماد على الموردين   نجاحك مرتبط بقدرة الموردين على تنفيذ الطلبات بشكل سريع ومنتظم.   ليه الـ Drop Shipping مهم دلوقتي؟ في وقت الناس كلها بقت تشتري أونلاين والمجال واسع ومفتوح وتوجهاته كلها ناحية الـ Ecommerce معاها بقي الـ Drop Shipping فرصة لأي حد عايز يبدأ مشروع من غير ما يدفع كتير أو خايف من الخسارة عشان كدا مع شوية مجهود وتخطيط هتقدر ببساطة تبني مشروع ناجح. الـ Drop Shipping هو فرصة لأي حد عايز يبدأ في مجال الـ Ecommerce بسهولة عشان كل اللي عليك تختار المنتجات الصح اللي تهم المستهلكين وتهتم بعلاقتك مع الموردين وتشتغل على التسويق بشكل كويس عشان تقدر تنجح وتحقق اهدافك.

بيع واشتري من مكانك مع الـ Drop Shipping Read More »

influncer marketing

التأثير هو هدفنا (التسويق بالمؤثرين)

في عالم الـ Digital Marketing التسويق بالمؤثرين (Influencer Marketing) بقي له دور كبير جدا وبقي وواحد من أبرز الاستراتيجيات اللي بتعتمد عليها الشركات عشان توصل لجمهورها المستهدف بطريقة فعالة ومباشرة.  والنوع ده من التسويق بيعتمد على التعاون (collaboration) مع شخصيات مؤثرة (Influencers – bloggers) على الـ Social Media زي انستجرام وفيسبوك وتيك توك وكمان سناب شات عشان تقدر توصل لرسالتك وتعزز الوعي بالـ Brand بتاعك. أهمية التسويق بالمؤثرين التسويق بالمؤثرين مهم جدا وأهميته بتزيد بسبب قدرة المؤثرين على بناء علاقات قوية مع متابعينهم. وكمان عندهم مصداقية وثقة بينهم وبين جمهورهم وده اللي بيخلي توصياتهم للمنتجات أو الخدمات مؤثرة بشكل فعال بدل ما تعتمد على الإعلانات التقليدية بس لازم تبقي الاستراتيجي دي في خطتك عشان الشركات منها بتقدر توصل للعملاء بطريقة طبيعية وشخصية وده اللي بيعزز من احتمالية التفاعل الإيجابي وتحقيق المبيعات. كمان انتشرت مؤخرُا دراسات بتأكد أن المؤثرين اللي عندهم 100 ألف متابع بيكونوا أكثر مصداقية من المؤثرين اللي عندهم ملايين عشان كدا لازم تختار الـ Influencer المناسب للـ Brand بتاعك ومنها هننتقل للنقطة اللي بعدها.  ازاي استخدم التسويق عبر المؤثرين؟ الموضوع بيبدأ بعملية أختيار وتحديد المؤثر المناسب ليك بناءًا على الفئة المستهدفة.  على سبيل المثال لو كنت Brand جديد وبيقدم Skin Care و Cosmetics يبقي المؤثرين في مجال العناية بالبشرة والمكياج هيكونوا الاختيار الأنسب ومش بس كدا كمان ادخل شوف الناس اللي بتتابع المؤثر ده واسأل نفسك سؤال مهم (هل المتابعين دول نفس جمهوري المستهدف ولا لا) وبعدها بيتم الاتفاق مع المؤثر لنشر المحتوى الترويجي ليك وكمان هل هيكون Post ولا Story ولا Reel وكمان لازم تتفق معاه هيكون على انهي منصة وهل هينزلهم على كذا منصة ولا واحدة بس وكمان نوع المحتوي او الكلام او الطريقة اللي هيقدم بيها المنتج بتاعك لان الشراكات دي بتكون على شكل إعلان مباشر أو محتوى قصصي يدمج المنتج بشكل طبيعي. مزايا التسويق عبر المؤثرين – زيادة الوعي بالـ Brand: لان التسويق بالمؤثرسن بيساعد في الوصول لشرائح من الجمهور جديده ممكن تكون على متعرفكش. – تعزيز المصداقية: التوصيات اللي بتكون جايه من المؤثرين بتساهم بشكل كبير في بناء الثقة وبالذات لو كانت تجاربهم مع المنتج إيجابية وحقيقية. – تحقيق  ROI مرتفع: غالبًا بتكون تكاليف التعاون مع الـ Influencer أقل بكتير مقارنة بالإعلانات العادية أو حتى إعلانات الـ Social Media وكمان بتحقيق نتائج ملموسة فعلا. – التفاعل المباشر: أكتر حاجه بتميز التسويق بالمؤثرين هي قدرته على تحفيز الجمهور على التفاعل بشكل مباشر مع الـ Brand بتاعك سواء من Comment أو likes أو follow أو share او حتي انهم يروحوا يشتروا منتجاتك في ساعتها. التسويق بالمؤثرين (Influencer Marketing) هو أقوي Tool لازم تستغلها عشان تظهر وتبان بشكل فعال على الـ Social Media ولا تستغلها لتحسين نتائج حملاتك بسبب انها تقدر تجمع بين المصداقية والتفاعل والنوع ده دايما بيكون مثالي للشركات اللي بتسعى انها تبيني حضور قوي وتفاعل فعال في السوق وتحقق أهدافها بسرعة وكفاءة.

التأثير هو هدفنا (التسويق بالمؤثرين) Read More »