مجال الـ Digital Marketing بقي واحد من أسرع المجالات نموًا خلال السنين اللي فاتت ونظرًا لاعتماد الشركات على التسويق الرقمي عشان توصل لعملائها وتحقيق أهدافها التجارية والتسويقيه.
ومع التطورده ظهرت وظايف كتير متخصصة تناسب مهارات واهتمامات ناس كتير ممكن تكون مهتمه بمجال الـ Digital Marketing.
عشان كدا لو كنت مهتم بالـ Digital Marketing يبقي تعالي اقولك ممكن تشتغل ايه.
1. أخصائي سوشيال ميديا (Social Media Specialist)
تعتبر إدارة حسابات مواقع التواصل الاجتماعي واحدة من أكثر الوظائف طلبًا حاليًا.
ويعمل أخصائي السوشيال ميديا على وضع استراتيجية المحتوى وجدولة المنشورات والتفاعل مع الجمهور وتحليل الأداء لضمان تحقيق الأهداف.
والوظيفة تحتاج لمهارات كتابة المحتوى والإبداع وفهم سلوك المستخدمين على المنصات المختلفة زي فيسبوك وإنستجرام وتيك توك وتويتر وغيرهم.
2. ميديا باير (Media Buyer)
الإعلانات الرقمية أصبحت جزء أساسي من أي استراتيجية تسويقية عشان كدا الشركات محتاجه متخصصين في إدارة الحملات الإعلانية على منصات مثل Google Ads و Meta Ads.
ووظيفة الميديا باير بتعتمد على تخطيط الحملات واستهداف الفئة المناسبة وضبط الميزانية وتحليل النتائج لتحقيق أعلى عائد استثمار ممكن.
3. كاتب محتوى (Content Writer / Copywriter)
المحتوى هو الملك في عالم الـ Digital Marketing وبالتالي بقي في فرص كبيرة لصناع المحتوى وصانعي الأفكار الإبداعية.
ووظيفة كاتب المحتوى تشمل كتابة منشورات السوشيال ميديا والمقالات والسكريبتات وغيرهم.
أما الكوبي رايتر فهو متخصص في كتابة النصوص الإعلانية المقنعة التي تشجع الجمهور على اتخاذ قرار مثل الشراء أو التسجيل.
4. أخصائي تحسين محركات البحث (SEO Specialist)
لو كنت مهتمًا بأن المواقع تظهر في النتائج الأولى لمحركات البحث زي جوجل يبقي وظيفة أخصائي الـSEO تناسبك.
وده لأنها تشمل تحليل المواقع والبحث عن الكلمات المفتاحية وتحسين المحتوى وبناء الروابط بالإضافة لمراقبة أداء الموقع وتحديث الاستراتيجيات بشكل مستمر.
5. مصمم جرافيك (Graphic Designer)
مصمم الجرافيك بيكون مسؤول عن إنشاء التصاميم البصرية اللي بتجذب انتباه الجمهور وبتوصل الرسائل التسويقية بطريقة إبداعية.
وظيفته تشمل تصميم بوستات السوشيال ميديا والإعلانات الرقمية والبانرات واللوجوهات والمطبوعات.
ولازم يكون بيعرف يستخدام برامج التصميم زي Adobe Photoshop، Illustrator، Canva ويكون عنده فهم قوي لهوية البراندعشان يطلع الشكل البصري في كل التصاميم ويكون قادر على الإبداع والابتكار في تقديم أفكار جديدة ومميزة.
6. محرر الفيديو (Video Editor)
مونتير الفيديو أو محرر الفيديو بيلعب دور كبير في صناعة محتوى مرئي جذاب سواء فيديوهات إعلانية أو محتوى للسوشيال ميديا أو فيديوهات تعليمية.
وده لأن الفيديوهات دلوقتي تعتبر من أقوى أدوات التسويق وبتأثر بشكل مباشر في قرارات العملاء.
دوره يشمل تحرير الفيديوهات وإضافة المؤثرات الصوتية والبصرية واستخدام برامج المونتاج مثل Adobe Premiere Pro، After Effects، CapCut وقص ولصق وترتيب المشاهد بشكل احترافي يحكي قصة متكاملة ويشد انتباه الجمهور من أول ثانية وتحسين جودة الصوت والصورة وإضافة الترجمة أو النصوص عند الحاجة.
7. أكونت مانجر (Account Manager)
الأكونت مانجر هو حلقة الوصل بين الشركة أو وكالة التسويق الرقمي وبين العميل.
ووظيفته الأساسية هي إدارة العلاقة مع العملاء وفهم احتياجاتهم وضمان تنفيذ الحملات التسويقية بشكل يتماشى مع أهداف العميل ومتابعة تقدم العمل مع فريق التصميم، المحتوى، والإعلانات والتأكد من تسليم المشاريع في الوقت المحدد وبالجودة المطلوبة وحل أي مشكلات قد تظهر أثناء التنفيذ، وضمان رضا العميل الكامل وإعداد تقارير الأداء الدورية، وعرضها على العميل بشكل واضح ومفهوم.
مجال الـ Digital Marketing بيوفر العديد من الفرص الوظيفية التي تناسب مختلف التخصصات والمهارات.
سواء كنت مبدعًا في الكتابة أو متمكن من التحليل أو عندك شغف بالتصميم والإعلانات يبقي المجال ده هو مكانك.
