في اعلانات ميتا ABO/CBO الفرق بين استراتيجيه

 في اعلانات ميتا ABO/CBO الفرق بين استراتيجية

عشان مترميش فلوس اعلاناتك في ميتا على الأرض. ميتا ادالك اختيارين تختبر بيهم  مجموعاتك الإعلانية

والاختيارين دول هم استراتيجيه .ABO/CBO

 ايه الفرق بينهم؟

مبدئياً كده انت محتاج تعرف معني كل استراتيجيه وهتستفاد منها ازاي وأمتي نستخدمها؟

ABO خلينا نبدأ بال 

(AD Budget Optimization) والمصطلح ده اختصار ل

ودي باختصار استراتيجيه بتسمحلك تتحكم في ميزانيه المجموعات الإعلانية عن طريق أنك بتحدد الميزانية لكل مجموعه اعلانيه بشكل فردي  من غير أي تحكم من ميتا

طب وده فايدتوا ايه؟

• • انت اللي بتتحكم في ميزانيه كل مجموعه اعلانيه من حيث معدل الصرف اليومي
  • بناءاً على نتائج المجموعتين الاعلانيتين تقدر تاخد قرار بأنك توقف الحملة اللي مردودها مش كويس وتركز ميزانيتك في المجموعة الإعلانية الكسبانة معاك
  • مناسبه جدا لو انت متاح قدامك اكتر من جمهور مستهدف وعايز تختبرهم بحيث تشوف أفضل جمهور تشتغل عليه

طب وايه الصعب في ال استراتيجية ؟

عشان توصل لأقصي استفادة من الاستراتيجية دي محتاج إنك تتابع الإعلانات بشكل مستمر

وتكون بتعرف تقرا نتائج الاعلانات وتشوف انهي أفضل مجموعه اعلانيه وتكمل بيها واللي مش شغاله كويس توقفها.

CBO Strategy طب وبالنسبه لل 

استراتيجيه ال CBO أسهل من ال ABO من حيث التحكم في ميزانيات المجموعات الإعلانية وده لأنها بتقوم على فكره تحديد الميزانية للحملة بحيث ان ميتا هي اللي تتحكم في الصرف على كل مجموعه اعلانيه بناءاً على تقييمها ليها من حيث معدل الوصول والرسايل والتفاعل وده عكس استراتيجيه ال ABO اللي بتخليك انت اللي تتحكم في صرف كل مجموعه اعلانيه

وانت اللي تختار المجموعة الإعلانية اللي تكمل بيها.

ايه عيوب الاستراتيجيه دي؟

المشكله ان ميتا هي اللي بتقسم الميزانية على المجموعات الإعلانية بناءاً على تقييمها لأداء المجموعات الإعلانية مش انت وده بيتم بناءاً على عدد الرسايل والتفاعل ومعدل الوصول

CBO يعني مثلاً مثلاً لو افترضنا إنك مشغل حمله اعلانيه باستراتيجيه 

ومشغل جواها مجموعتين اعلانيتين باستهدافين مختلفين وحاطط الميزانيه للحمله كلها 500 جنيه في اليوم

فالمجموعة الإعلانية اللي ميتا هتلاقيها جايبه رسايل اكتر او وصله لعدد كبير من الجمهور او عليها تفاعل اكتر هي اللي هيتوجهلها الجزء الأكبر من الميزانية اللي هي احنا كنا محددينها ب 500 جنيه في اليوم.

 CBO  عيوب استراتيجية ال

المشكلة ان لو مثلاً المجموعة الإعلانية الاولي اللي جايبه رسايل اكتر بس جوده العملاء اللي جايه منها مش كويسه والمجموعة الاعلانيه التانيه جايبه رسايل اقل من الاولي بس جوده العملاء ممتازة فميتا هتزود الصرف للمجموعة الإعلانية الاولي برضو بغض النطر بقي جوده  العميل ايه

طب ونحل المشكلة دي ازاي؟

الحل أنك تعرف كل استراتيجيه منهم امتي تستخدمها

لو انت لسه بتبتدي إعلانات وعامل  Buyer persona وعندك اكتر من استهداف شايف انوا مناسب

وعايز تختار الأفضل فيهم يبقي ABO استخدم استراتيجية ال  عشان تقيم كل مجموعه اعلانيه وتشوف ايه الأفضل فيهم.

انما بقي لو انت في اكتر من مجموعه اعلانيه جربتها قبل كده ونجحت معاك

فأشتغل عادي بإستراتيجية ال CBO والأفضل فيهم من حيث النتائج ميتا هيوجه ليه النسبه الأكبر من ميزانيه الحمله.