من اساسيات التسويق الالكتروني المزيج التسويقي 7ps واللي هتساعدك في فهم منتجك وخدمتك وعمل خطه تسويق قويه.
ايه هو مزيج التسويق 7PS؟
المزيج التسويقي ps7 عباره عن 7 عناصر وهم:
المنتج (Product):
يشمل المنتج أو الخدمة اللي بتقدمها الشركة، ولازم الخدمه او المنتج اللي بتقدموا يكون بيلبي احتياجات العملاء ويكون على الاقل في نفس مستوي توقعات العملاء.
السعر (Price):
التسعير ليه استراتيجيات كتير يعني مثلا ممكن تسعر بناءأ على أسعار المنافسين اللي بينافسوك على نفس فئة جمهورك المستهدف او ممكن تسعر بناءاً على تكلفه انتاج الخدمه او المنتج وممكن تسعر بناءاً علي قيمه المنتج بالنسبه للعميل.
المكان (Place):
يشير للقنوات اللي بيتم من خلالها توزيع المنتج أو الخدمة، سواء كانت متاجر فعلية أو منصات إلكترونية.
الترويج (Promotion):
يتضمن الأنشطة اللي بتقوم بيها الشركة للترويج للمنتج أو الخدمة، زي: الإعلانات، والعلاقات العامة، والتسويق من خلال منصات التواصل الاجتماعي.
الأفراد (People)
يشمل الموظفين اللي بيتعاملوا مع العملاء، وطبعاً لازم يكونوا مؤهلين ومدربين على خدمه العملاء وتلبيه احتياجاتهم.
العملية (Process):
عباره عن العمليات والإجراءات اللي بتتبعها الشركة لتقديم المنتج أو الخدمة، ولازم تكون فعاله ومرنه.
الدليل المادي (Physical Evidence)
يتضمن العناصر المادية اللي بتدل على جودة المنتج أو الخدمة زي:
تصميم المتجر، والموقع الإلكتروني، والمراجعات الإيجابية.
أهمية مزيج التسويق 7PSفي أساسيات التسويق الإلكتروني
تحسين تجربة العملاء:
من خلال التركيز على العناصر السبعة، هتقدر الشركات تحسن تجربة العملاء عبر الإنترنت، وتزيد من رضاهم وولائهم للعلامه التجاريه.
زيادة المبيعات:
يساعد مزيج التسويق Ps 7على تحديد القنوات التسويقية الأكثر فعالية، وتوجيه الجهود التسويقية باتجاه العملاء المستهدفين، وده بيزيد من فرص البيع.
بناء العلامة التجارية:
من خلال تقديم منتجات وخدمات جودتها عاليه، وتوفير خدمة عملاء ممتازة، تقدر الشركات تبني علامات تجاريه قوية تفضل دايماً في ذهن الحمهور.
تحليل المنافسين:
من خلال تحليل مزيج التسويق الخاص بالمنافسين، هتقدر الشركات تعرف نقاط الضعف والقوه عند المنافسين وبناءاً عليه هيتم بناء خطه تسويقيه قوية.
نصائح لتطبيق مزيج التسويق 7ps في أساسيات التسويق الإلكتروني
حدد جمهورك المستهدف:
المزيج التسويقي الخاص بيك بيبقي بناءاً على معرفتك بجمهورك المستهدف.
حلل المنافسين:
حلل المزيج التسويقي الخاص بمنافسينك وقارن نتائج تحليلاتهم بالمزيج التسويقي الخاص بيك عشان تعرف تحدد نقاط القوه والضعف في نشاطك التجاري.
أنشئ محتوى عالي الجودة:
اشتغل علي انك تنتج محتوي قوي بيقدم معلومات مفيدة للجمهور ويكون متنوع من حيث نوع المحتوي والأفكار اللي بتتقدم.
استخدم الكلمات المفتاحية المناسبة:
اعرف الكلمات المفتاحية اللي بيبحث بيها جمهورك وابدأ اشتغل عليها عشان تتصدر نتايج البحث باستمرار.
حلل النتائج باستمرار:
لازم باستمرار تعمل تحليل لحملاتك الاعلانيه ولانشطتك التسويقيه باستمرار
عشان تقيم انشطتك التسويقيه .
الخلاصه
مزيج التسويق7PS من اساسيات التسويق الالكتروني هو أداة قوية هتساعدك في تطوير منتجك وخدمتك وهتخليك تعرف النقط الإيجابية في مشروعك والنقط السلبية يمكن أن تساعد الشركات على تحقيق أهدافها التسويقية في العالم الرقمي، وبناء علاقات قوية مع العملاء.
