المشكلة مش دايمًا في جودة التصميم أو الكلمات أحيانًا السر بيكون في نوع المحتوى نفسه.
في عالم التسويق الرقمي فيه أنواع محتوى أصبحت هي المحرك الرئيسي للثقة والمبيعات، خصوصًا مع تطور سلوك المستهلك اللي بقى بيدور على “التجربة الحقيقية” مش مجرد إعلان مباشر.
تعالي اقولك ايه الفرق بين أنواع المحتوى اللي بتعتمد على الناس مش البراند، وليه الشركات الكبيرة بقت تبني استراتيجياتها حوالين UGC و EGC والـ Influencer Marketing.
أولًا ايه هو المستخدم (UGC)؟
الـ UGC = User Generated Content
وهو أي محتوى بيتم إنشاؤه من قِبل العملاء أو المتابعين، مش من البراند نفسها. زي:
- صورة عميل بيستخدم منتجك
- فيديو ريفيو على TikTok أو YouTube
- تعليق إيجابي أو تجربة نشرها العميل بنفسه
طب ليه الـ UGC مهم؟
- لأنه بيكسب ثقة الجمهور لأنه جاي من شخص حقيقي مش إعلان مدفوع
- بيوصل لجمهور أوسع بشكل عضوي
- بيخلق مجتمع حوالين البراند
زي مثلا شركة زي “نايكي” لما تشارك بوست من عميل بيجري بالجري السنيكرز بتاعهم، ده أقوى من إعلان رسمي.
ثانيًا ايه هو محتوى الموظفين (EGC)
الـ EGC = Employee Generated Content
وهو نوع من المحتوى بيتم إنشاؤه من قبل موظفين الشركة نفسهم. ممكن يكون:
- فيديو من موظف بيحكي عن يومه في الشركة
- صور من الكواليس
- مشاركة من HR عن بيئة العمل
طب ايه هي مميزات الـ EGC ؟
- بيزود المصداقية والشفافية
- بيعزز صورة البراند كمكان عمل محترم
- بيشجع التوظيف وجذب المواهب الجديدة
زي مثلا شركة Google اللي معروف انها دايما بتنشر فيديوهات من داخل الشركة بيصورها الموظفين، ده بيخلي الناس تحس إنها شركة قريبة من القلب.
ثالثًا ايه هو تسويق المؤثرين (Influencer Marketing)
هو تعاون بين البراند ومؤثر عنده جمهور كبير على السوشيال ميديا علشان يروج لمنتج أو خدمة.
أنواع المؤثرين كتير وبتختلف على حسب عدد المتابعين زي:
- الـ Macro Influencers: جمهورهم كبير جدًا (أكتر من 100 ألف متابع)
- الـ Micro Influencers: عدد متابعين أقل (من 10 إلى 100 ألف) لكن التفاعل عندهم أعلى
- الـ Nano Influencers: أقل من 10,000 متابع لكن علاقتهم قوية جدًا بجمهوره
ايه هي مزايا التسويق بالمؤثرين:
- بيوصل لجمهور مستهدف بطريقة طبيعية
- بيزيد من وعي البراند
- ممكن يؤدي لتحويلات ومبيعات مباشرة
زي براندات كتير يعني مثلا ممكن براند مستحضرات تجميل يتعاون مع ميك أب أرتيست عندها 50K متابع، تعمل فيديو توتوريال بمنتجاتهم وكدا هتبقي تبيع مباشر وتكسب ثقة أكبر.
رابعًا ايه الفرق بين الـ UGC والـ Influencer Marketing
الفرق الاساسي في مصدر المتحوي في الـ UGC المحتوي بشكل كامل بيبقي معتمد على العميل الحقيقي لكن في الـ Influencer Marketing المحتوي بيكون معتمد على المؤثرين.
وكمان الـ UGC منخفض التكلفة مقارنة بالتسويق بالمؤثرين.
والـ UGC بيأثر على الجماهير بشكل طبيعي وعفوي عكس الـ Influencer Marketing اللي بيدي طابع بالقوة والاحترافيه.
ازاي تستفيد من أنواع المحتوي دول في حملاتك؟
- اطلب من عملاءك يشاركوا تجربتهم وشاركها على صفحتك
- حفز موظفيك إنهم يصوروا من داخل الشركة
- اختار مؤثرين مناسبين لمنتجك وتعاون معاهم
ابني خطة محتوى متنوعة بتجمع بين الأنواع دي كلها
المحتوى هو الملك، لكن “مين بيقول المحتوى” بقى هو اللي بيعمل فرق.
الـ UGC والـ EGC والـ Influencer Marketing مش مجرد ترندات… دي أدوات فعالة لبناء الثقة، جذب الجمهور، وزيادة المبيعات.
ابدأ النهارده دمج أنواع المحتوى دول في استراتيجيتك وشوف الفرق الحقيقي في التفاعل والتأثير.
