التسويق القائم على القيمة: المفتاح لبناء علاقات قوية مع عملاءك

هل عملائك بيشتروا المنتج اللي انت بتقدمه ولا بيشتروا قيمتك كعلامة تجارية؟

إجابة السؤال ده هو التسويق القائم على المحتوى، واللي بدوره بيقوم حول إقامة اتصالات ليها معنى.

االتسويق القائم على المحتوى نهج بيركز على احتياجات المستهلكين واهتماماتهم وقيمهم.

ليه ده مهم دلوقتي؟

في الوقت اللي المعلومات فيه بقت في متناول الجميع، المستهلكين بقوا مش بس بيدوروا على العلامات التجارية اللي بتلبي احتياجاتهم،

لكن كمان بيبحثوا عن العلامات التجارية اللي بتعكس روحهم الشخصية وبتساهم بشكل إيجابي في المجتمع عموماً.

لذلك، بدل ما تركز في التسويق على قد إيه البراند بتاعتك عظيمة، ركّز على رغبات عملائك الحاليين واحتياجاتهم.

ازاي التسويق القائم على المحتوى بيساعدك؟

ببساطة، أي كامبين مبنية على التسويق القائم على القيمة ممكن تساعدك في تحديد نقاط ضعف عملائك.

وبالتالي، تقدر تلاقي طرق للترويج لمنتجك تكون حل لمشاكلهم الشائعة.

بالإضافة إلى ذلك، التسويق القائم على القيمة ممكن يساعدك تلاقي طرق جديدة تسوق بيها منتجك وخدماتك للعملاء،

من غير ما تحتاج للبيع المستمر.

لكن الحقيقة إن عملاءك مش بيدوروا على البيع فقط،

بل بيدوروا على تواصل مع العلامات التجارية على مستوى عاطفي أكتر.

في النهاية، المقصود بالتسويق القائم على القيمة هو:

إزاي العملاء بيلاقوا قيمة في منتجاتك أو خدماتك؟

وإيه القيمة اللي بتقدمها ليهم؟

هو ده التسويق القائم على القيمة.

الأنواع الأربعة للتسويق القائم على القيمة:

1-القيمة الوظيفية: بتشير لاستخدام المنتج والفوائد اللي بتعود على العملاء لما يستخدموه.

2-القيمة العاطفية: أي شيء يُشعر عملاءك بالرضا لما يستخدموا منتجك.

3-القيمة الاقتصادية: هي تكلفة المنتج مقابل التوفير اللي بيحققه عند استخدامه.

4-القيمة الاجتماعية: بتوضح هل المنتج بيساعد الأفراد على التفاعل مع الآخرين ولا لأ.

وبالتأكيد، مش لازم تستخدم كل الأنواع، لإن مش كل المنتجات بتقدم نفس أنواع القيمة.

الفرق بين التسويق القائم على القيمة والتسويق التقليدي

لازم استراتيجيات تسويق شركتك تتمحور حول عملائك.

لذلك، التسويق القائم على القيمة بيختلف بشكل كبير عن التسويق التقليدي.

على سبيل المثال، لو عايز تبرز قيم شركتك، يبقى هتستخدم التسويق القائم على القيمة، واللي بيركز على القيم المشتركة للعملاء والعلامة التجارية.

أما التسويق التقليدي فهو بيركز على المنتج نفسه، يعني الشركات بتسوق لمنتجاتها عن طريق إبراز المميزات أكتر من الفايدة للعميل.

وبالتالي، النوع ده مش دايماً بيكون موجه للعملاء أو بيحفزهم لاتخاذ إجراء.

على الجانب الآخر، التسويق القائم على القيمة بيحدد أسباب شراء العملاء من خلال مواءمة طريقة التسويق مع رغباتهم واحتياجاتهم.

وإذا استمريت في تقديم قيمة حقيقية، هتزود قيمة العميل الدائمة، وتزيد ولاءهم، وبالتالي هتزيد إيراداتك.

ليه التسويق القائم على القيمة مهم؟

مع مرور الوقت، انعدام ثقة المستهلكين بالعلامات التجارية بيزيد بسبب نقص المصداقية والشفافية.

وللأسف، كتير من الشركات استخدمت أساليب مضللة عشان تكسب عملاء،

لكن النتيجة إن العملاء بقوا بيدوروا على منتجات تلبي احتياجاتهم بدون عروض ترويجية فارغة.

بالإضافة إلى ذلك، كتير من الشركات بتواجه صعوبة في توصيل القيمة الحقيقية لمنتجاتها.

وبعضها معندوش دليل يثبت إن منتجاته فعلاً ليها قيمة عند العميل.

وبالتالي، بيكتفي بادعاءات مش مقنعة.

هنا بييجي دور التسويق القائم على القيمة:

بيساعدك تقدم دليل حقيقي على اللي بتقوله.

على سبيل المثال: لو بتبيع برنامج أوتوماتيك، قول للناس إنه بيوفر وقت. لكن الأهم إنك تدعم ده بأرقام وبيانات واضحة.

ده كمان بيساعدك تحدد بدقة مين أكتر ناس هيستفيدوا من المنتج، وبالتالي تعمل حملات إعلانية مركزة عليهم.

في النهاية، النوع ده من التسويق بيخليك تبني علاقات طويلة المدى مع عملاءك.

ولما يثقوا فيك، مش هيشوفوك كشركة عادية،

بل كعلامة تجارية قريبة منهم وموثوقة.

لو عايز تقرأ Blogs أكتر تقدر تزور المدونة او صفحتنا على facebook