لو انت شغال في التسويق أو حتى مجرد مهتم بـ الذكاء الاصطناعي، فأكيد لاحظت التغير الكبير اللي حاصل في السوق الفترة الأخيرة.
كل الـ Tools بتتحدث، والموديلات بتتطور بسرعة رهيبة، والتريندات بتظهر كل يوم، فـ تعالى أقولك على أهم 10 تريندات لازم تبقى عارفهم في 2025
1- موديلات Claude Sonnet 3 وOpus 4 من Anthropic
شركة Anthropic بقت منافس شرس لـ OpenAI، وبتطور موديلات ذكية بتفهم النصوص بعمق، زي Claude و Sonnet 3 و Opus 4.
الموديلات دي بقت بتكتب محتوى تسويقي واقعي جدًا، وتحلل سلوك العملاء بشكل متطور يخليك تفهم جمهورك أكتر من زمان.
2- الـ Update الجديد من Google للغة الاشارة SignGemma
لغة الإشارة دخلت عالم الذكاء الاصطناعي وجوجل قدمت SignGemma، وهو نموذج بيتعرف على لغة الإشارة من خلال الصور والفيديوهات.
ده معناه اننا بقينا نقدر نخلق محتوى تسويقي موجه لذوي الهمم بلغة الإشارة ودي مش بس خطوة إنسانية، دي كمان ميزة تنافسية قوية جدًا.
3- أدوات توليد الفيديوهات AI (زي Sora وGemini Video)
الفيديوهات التسويقية اللي كنا بنقعد نشتغل عليها أسابيع، بقت بتتعمل في كام دقيقة بسبب Gemini و Sora لانهم بيولدوا فيديوهات 2D و3D من مجرد وصف بسيط.
يعني تكتب “اعمل لي فيديو عن منتج جديد بينزل في السوق الصيف ده” وتلاقي فيديو جاهز في ثواني
4- ميزة الريمكس من Suno الموسيقى التسويقية بقت بين ايدك
شركة Suno عملت قفزة كبيرة في مجال إنتاج الصوت، خصوصًا مع خاصية الريمكس اللي بتخليك تعدل على أي أغنية AI جاهزة.
يعني تقدر تعمل لحن خاص للبراند بتاعك، أو موسيقى خلفية لإعلاناتك، من غير ستوديو ولا مؤلف موسيقي.
5- التعاون بين OpenAI والإمارات
التحالف اللي حصل بين OpenAI ودولة الإمارات مش خطوة عادية.
الإمارات بقت بتستثمر في بناء بنية تحتية لـ الذكاء الاصطناعي باللغة العربية، وده معناه إننا ممكن نشوف شات بوتات وأدوات تحليل بيانات مخصوصة للأسواق العربية قريب جدًا.
6- الواقع الافتراضي من شركة Spatial تجربة المنتج قبل ما تشتريه
شركة Spatial طورت تجارب واقع افتراضي وواقع معزز (VR/AR) تخليك تتفاعل مع المنتج كأنك ماسكه بايدك.
شركات العقارات والأثاث والموضة بدأوا يستخدموا التجارب دي في المعارض الأونلاين عشان يقربوا المنتج من العميل.
7- الموديل اللي بيشوف ويسمع ويتكلم Gemini من Google
موديل Gemini بقى بيتعامل مع النصوص، الصور، والفيديوهات، وكلهم في نفس الوقت.
وده مفيد جدًا للمسوقين اللي محتاجين تحليلات شاملة للمحتوى، أو حتى عايزين AI يكتب بوست ويقترح ليه صورة وفيديو كمان.
8- الذكاء الاصطناعي في خدمة الصوت (AI Voice Marketing)
من خلال أدوات زي ElevenLabs، بقى في أصوات واقعية جدًا تقدر تستخدمها في تسجيل إعلانات، أو حتى بوتات صوتية بترد على العملاء.
الميزة هنا أن الصوت واضح، طبيعي، وبيشتغل 24 ساعة من غير تعب.
9- الذكاء الاصطناعي بيكتب، بيحلل، وبيقارن منافسينك لحظة بلحظة
دلوقتي أدوات زي ChatGPT وClaude بقت بتقارنلك بينك وبين المنافسين، وتقولك إيه الضعف اللي عندهم، وتفصلك الجمهور المستهدف بتاعك وتحركاته.
يعني كأنك عندك Marketer شغال معاك طول الوقت.
10- الـ AI Influencers المؤثرين الرقميين اللي مش بشر
واحدة من أغرب التريندات حاليًا هي المؤثرين اللي مصنوعين بالكامل بالذكاء الاصطناعي.
الشركات بقت تخلق شخصية AI مؤثرة وبتنزل بيها إعلانات، وتتفاعل مع الناس، وبتكسب ثقة الجمهور كأنها حقيقية
كل يوم في حاجة جديدة في عالم الذكاء الاصطناعي والتسويق اللي هيعرف يركب الموجة ويستخدم الأدوات دي صح، هيتفوق على المنافسين.
لو بتسوق من غير AI دلوقتي، فإنت متأخر سنين.
ابدأ، جرب، اطور، وخليك دايمًا سابق بخطوة
