فريق التسويق

فريق التسويق

التسويق هو أول حاجة تفكر فيها كصاحب شركة أو Brand

و عايز تكبر و توسع من دائرة عملائك و أعداد مبيعاتك 

و ده لأن التسويق و بالذات الإلكتروني دلوقتي و في وقتنا الحالي بقي أهم قسم من أقسام أي شركة 

كمان بقي الإعتماد عليه أكتر من الأول و أكتر من أقسام تانية كتير 

و ده لأنه أسهل و أسرع و أوفر من التسويق العادي أو الـ Outbound Marketing 

طيب ، لو إنت صاحب شركة و تحت إيدك فريق تسويق 

تعالي أقولك تعمل إيه علشان يبقي تحت إيدك فريق تسويق ناجح 

1- كتابة المحتوي ( صانع المحتوي ) 

صانع المحتوي ده يعتبر أهم شخص في الفريق كله ، و ده لأنه هو لغة الحوار بينك و بين جمهورك 

و كمان المحتوي إللي بيشوفه الجمهور بيمثل 70% من الـ Post كله 

الغلطة بقي إللي ممكن تعملها ( و يااا ريت ماتعملهاش ) إنك تخلي أي حد يكتب هو المحتوي إللي بيظهر لجمهورك 

و تقول ” طالما الشخص ده متكلم و بيعرف يتكلم في الحقيقة يبقي أكيد هيكتب محتوي مبهر ” 

دي أكبر غلطة ممكن تغلطها

و إللي لو عملتها يبقي إنت كده بتبوظ صورتك و لغة الحوار بينك و بين جمهورك 

لأن كاتب المحتوي ده شخص عارف هو بيقول إيه و بيقوله لمين

و عارف إيه إللي يتقال و إيه إللي ماينفعش يتقال 

ده غير إن صناعة المحتوي دي أصلاً بتدّرس ، يعني الشخص ده بيبقي دارس إللي بيقوله و بيوجهه لجمهورك 

2- تصاميم الجرافيك ( مصمم الجرافيك ) 

زي ما صانع المحتوي هو لغة الحوار بينك و بين جمهورك 

مصمم الجرافك هو صورتك و صورة الـ Brand الخاص بيك قدام جمهورك 

و ده لأنه عليه مسؤولية كبيرة جداً و هي لفت إنتباه الجمهور من أول ما عينه تقع علي التصميم

و يجبره يطلع يقرأ المحتوي إللي مكتوب عليه 

 كمان التصاميم إللي بيعملها و اللوجوهات و كل شغل الجرافيك ده

قدام العملاء هو مدي إبداع الشركة دي أو الـ Brand 

3- الإعلانات ( المسوق )

نيجي بقي لأكتر شخص مسؤول عن وصولك لجمهورك و عن إنتشارك و توسعك و زيادة مبيعاتك 

و هو الشخص إللي مسؤول عن الإعلانات و التمويل و وجع الدماغ ده كله 

المشكلة إللي بيقعوا فيها مسوقين كتير هي العدد ، العدد كده كفاية ولا ازوده حبتين تلاتة 

بس الفكرة في الإستهداف يكون صحيح أصلاً و ده الأهم من العدد 

يعني لو إنت مستهدف 1000 شخص و تفاعل معاك 500

أحسن من إنك تستهدف 1000000 و يتفاعل معاك نفس الـ 500 

4- المشرف ( معدل الرد علي الجمهور ) 

نيجي بقي لشخص مهم جداً جداً في فريق التسويق كله 

و هو الشخص إللي بيستجيب و بيرد علي العملاء و علي الرسائل 

ماتستقلش بالموضوع ده و مش أي حد تخليه يرد علي الرسائل حتي لو كان الشخص ده إنت 

طالما مش هتبقي متفرغ للرد علي الرسائل بس طول يومك

يبقي ما تمسكش شغلانة زي دي لأنك هتوقع الصفحة الخاصة بالشركة 

و ده لأن منصة زي الـ Facebook بتعمل حاجة إسمعها Response Rate أو بمعني أصح معدل الرد علي الرسائل 

و مش بس الرسائل ، و الكومنتات كمان 

لو معدل إستجابتك أو ردك علي الجمهور قليل ، الـ Facebook بيبتدي يقلل ظهورك للجمهور 

و ده طبيعي ، إنت مثلاً لو كل شوية تنادي علي شخص معين و مايردش عليك

شوية شوية هتقلل كلامك معاه لحد ما تقطع علاقتك بيه خالص 

كذلك علي الـ Facebook و غيره 

بس يا سيدي ، لو طبقت كل كلمة في المقالة دي علي فريق التسويق الخاص بيك 

شوف شركتك هتتنقل ناقلة تانية إزاي 

تابعنا علي صفحتنا  أو مدونتنا علشان تعرف كل جديد 

Leave a Comment

Your email address will not be published. Required fields are marked *