Facebook Campaign Objectives

الـ Facebook Campaign  تعتبر هي أكتر وسيلة للإعلانات و التسويق علي الـ Social Media الناس بتستخدمها 

و ده لأن الـ Facebook هو أكتر Platform عليها إستخدام و مجالات كتيرة بتسوق لمنتجاتها و خدماتها عليه 

علشان كده لازم إعلانك علي الـ Facebook يكون مظبوط و عارف الهدف منه إيه 

أنا بقي النهاردة جي أقولك علي الـ Facebook Campaign Objectives و كل واحدة فايدتها إيه و تستخدمها إمتي و إزاي 

النوع الأول : الـ Brand Awareness 

أول نوع ده بقي بتستخدمه لما تكون لسة بادئ شركتك أو الـ Brand الخاص بيك و عايز تظهر للعميل بس 

يعني إنت في الإعلان ده مش هدفك البيع أصلاً ، إنت هدفك إنك تتعرف من جمهورك و الناس تشوفك بس و تشوف شكلك و إسمك يتقرر عليهم كتير 

النوع التاني : الـ Reach 

في النوع التاني بقي الهدف منه هو إنك برضو توصل لأكبر عدد ممكن من الناس 

و برضو مابيبقاش هدفه البيع خالص لأنه شبه الـ Brand Awareness 

النوع الثالث : الـ Traffic 

و هنا بقي النوع ده خاص بالـ Websites 

و الهدف منه هو زيادة الزوار علي الـ Website الخاص بيك 

و بتتحاسب هنا علي الزيارة الواحدة للـ Website من العميل 

النوع الرابع : الـ Engagement 

و الـ Engagement من أكتر الأنواع إستخداماً و هو أول نوع من أنواع الإعلانات إللي هدفها البيع 

و هنا إنت بتتحاسب علي التفاعل إللي بيحصل علي الـ Post سواء كان Comments أو Likes أو Shares أو أي حاجة تانية في الـ Post 

النوع الخامس : الـ App Installes 

دلوقتي إنت عندك App و عايز تروجله و نزود عدد الـ Installers 

النوع ده هو الأفضل ليك في الأنواع كلها ، و بنشوفه كتير علي الـ Timeline 

النوع السادس : الـ Video Views

النوع ده بقي هو إللي بتستخدموا لما تكون عندك فيديوا و عايز تموله و تزود عدد المشاهدات ، و ده الحل الأمثل للفيديوهات 

النوع السابع : الـ Lead Generation 

و النوع ده برضو مش هدفه البيع قد ما هدفه إنك تجمع بيانات عن جمهورك و عملائك تقدر تستخدمها لصالحك 

النوع الثامن : الـ Messages 

ده بقي نوع الإعلان إللي هدفه البيع الصريح 

والله ياباشا أنا بقدملك كذا و كذا و كذا بقد كده ، تعالي إشتري و لو عايز تتواصل معايا خش إبعتلي رسالة 

و هنا إنت بتتحاسب علي الرسالة إللي بتجيلك من الإعلان ده 

النوع التاسع : الـ Conversions  

هو هو نفس نوع الـ Traffic إللي إتكلمنا عليه فوق 

بس الفرق بينه و بين الـ Traffic إنك هنا بتتحاسب علي أي Action العميل هياخدها في الـ Website جوة 

مش بس مجرد زيارته للـ Website زي الـ Traffic 

النوع العاشر : الـ Catalogue Sales

ده بقي يا باشا تعمله لو عندك شوية منتجات علي الـ Website و جايبهم و عايز تعملهم Shop علي الـ Facebook 

هيبقي ده الحل الأمثل ليك برضو 

النوع الحداشر : الـ StoreTraffic 

من غير ما أقولك لأن إسمه باين 

ده آخر نوع و إللي بتستخدمه لما يكون عندك Online Store و عايز تزود عليه الـ Traffic

بس يا سيدي ، دول كانوا 11 نوع من أنواع الـ Facebook Campaigns 

تابعنا علشان تعرف كل جديد 

Leave a Comment

Your email address will not be published. Required fields are marked *