معدل العائد علي الإستثمار 

معدل العائد علي الإستثمار 

انت لو بتقدم منتج للجمهور بتاعك .. ياتري انت ازاي بتقيس مدي نجاح المنتج بتاعك ؟؟ 

يعني بمعني أصح .. بتعرف منين اذا كان المنتج ده ناجح ولا لأ ؟؟ 

عن طريق حاجة اسمها الـ ROI ”  معدل العائد علي الإستثمار ” 

طب ياتري ايه هو الـ ROI ؟؟ 

ببساطة هو المؤشر اللي بنقيس بيه العلاقة بين القيمة المصروفة علي الإستثمار 

وبين القيمة اللي بتعود من الشغل في الإستثمار ده 

وبمعادلة معينة كدة بنقدر نحسب معدل العائد علي الإستثمار بنسبة مئوية نقدر نكم من خلالها علي الأداء 

وهل فعلاً حقق ربح ولا لأ 

وكل ما كانت النسبة أعلي كل ما كان الربح أعلي 

علي سبيل المثال : 

لو انت اشتريت 500 دولار من الأسهم انهارده مثلاً ولو بكرة انت هتبيع الأسهم ديه بـ 1500 دولار 

فهتحقق مكسب وعائد ايجابي علي استثمارك 

لكن لو هتبيع السهم بـ 100 انت كده هتخسر 

مفهمتش ..صح ؟؟ 

هديك مثال تاني 

تخيل انت لو اشتريت عربية متهالكة بـ 1000 دولار وعدلت فيها شوية حاجات تكلفتها 200 دولار 

يبقي انت كده يعتبر جايبها بـ 1200 

لو قررت انك تبيعها هيبقي قدامك حل من الـ 3 حلول دول يإما تبيعها بسعر أعلي من الـ 1200 ويبقي انت كده كسبت فيها 

يإما تبيعها بنفس المبغ ويبقي كده انت ماكسبتش وماخسرتش يإما تبيعها بمبلغ أقل من الـ 1200 ويبقي انت خسرت 

ليه الـ ROI مهم؟

لما نتكلم عن الـ ROI، نتكلم عن قدرتنا اللي بتخلي فلوسنا تشتغل لصالحنا

. لو عندك فكرة أو استثمار، أنت عايز تعرف إزاي هتجيب فلوسك تاني وتكسب أرباح. الـ ROI بيساعدنا نقيس الحاجة دي بطريقة سهلة.

 الـ ROI في حياتنا اليومية

معدل العائد علي الإستثمار مش بيتكلم عنه بس في الأعمال، لكن ممكن نطبقه في حياتنا اليومية. على سبيل المثال، إزاي نحصل على قيمة أفضل لفلوسنا لما نشتري حاجة أو نستخدم خدمة؟ بفهم الـ ROI.

الـ ROI صاحبنا

في الآخر، نقدر نقول إن الـ ROI هو صاحبنا اللي بيساعدنا ناخد قرارات أفضل.

 لو عايز تشغل فلوسك لصالحك، الـ ROI مش حتكون كلمة غريبة، هتبقى جزء من كلامك اليومي.

ولو عايز تعرف اكتر عن الـ Marketing بشكل عام او تتعرف علي حاجات لازم تاخد بالك منها لو انت صاحب شركة  تقدر تزور صفحتنا علي الـ facebook او تقرأ الـ blog دي

Leave a Comment

Your email address will not be published. Required fields are marked *