مشاكل الاعلانات

مشاكل الاعلانات

ايه هي مشاكل الاعلانات اللي بتواجهك ؟

معظم الناس بتبقي فاكرة ان الاعلانات حاجة سهلة تتعمل وعلي الرغم من ان فيه ناس كتير في المجال اجمعت انها عبارة عن منهج يتذاكر ويتطبق

الا ان فيه صعوبة كبيرة في قدرتك علي بعد النظر واستكشافك للمواضيع و توقع تقلبات السوق والتغيرات اللي بتحصل

وعشان كدا فكرة انك تعمل اعلان مش حاجة سهلة زي ما كل الناس فاكرة

حتي لو سهلة ف انك تفضل محافظ علي نجاح الاعلان دي هي اللي صعبة

عشان المسوقين او اصحاب الاعلانات دايما بيقعوا في اخطاء تؤثر بالسلب على الحملات الإعلانية.

مشاكل الاعلانات اللى مش بتحقق التفاعل المطلوب ولا اهتمامً كافي

مشكلة ترجع لأسباب كتير

الاستهداف الخطأ

اكتر من نص الحملات الاعلانية او المسوقين بيقعوا في الغلط دا وهو استهداف الفئات الغلط من الجمهور

بمعني ان الجمهور اللي بيستهدف مش بيبقي مناسب مع المنتج او الخدمة اللي انت بتقدمها

ودا بيأثر بالسلب علي نتائج الاعلان بتاعك

استخدام المنصّة الإعلانية الغير مناسبة

 

خطأ كبير بيقع فيه كتير من المسوقين وهو الاعتماد على منصة إعلانية لشهرتها

 واعتبارها انها المنصة الاعلانية المناسبة دايما

لازم دايما تذاكر سلوك الجمهور المستهدف قبل ما تبدأ تنفذ اي حملة اعلانية

لازم تعرف هما بيفكروا ازاي وبيعرفوا المنتجات ازاي وبيشتروها منين

المعلومات دي كلها هتساعدك تختار المنصة الاعلانية الانسب لجمهورك

مش كفاية انك تختار المنصة الاعلانية المناسبة بس

لازم تستخدام الطريق المناسبة في النشر والكتابة والإخراج لكل منصة،

لأن من الأخطاء الشائعة استخدام نفس المحتوى الإعلاني لفيسبوك على انستجرام،

كل منصة منهم لها معايير خاصة بيها، زي المقاسات المختلفة للصور،

الطبيعة المعينة لشكل المحتوى المنشور، وطول المحتوى الإعلاني المكتوب،

و برضو طبيعة الشريحة اللي بتستخدم المنصة الاعلانية.

اختيار الميزانية المناسبة

 

وخطورة الخطأ دا انك لو بتصرف اقل بكتير من المنافسين ف اعلانك هيضيع وسطهم عشان هما بيصرفوا اكتر

ومش هتوصل للجمهور المستهدف بتاعك

ودا بالمناسبة بيثبتلك ليه نتايج الاعلان بتتحسن بعد ما يفضل شغال اكتر من يوم

وعشان كدا لازم تشوف الميزانية المناسبة اللي هتصرفها في الاعلان

ودا عن طريق تحليلك للميزانية اللي بيصرفها المنافسين في الاعلانات

ولو عايز تعرف اكتر عن الـ Marketing بشكل عام او تتعرف علي حاجات لازم تاخد بالك منها لو انت صاحب شركة  تقدر تزور صفحتنا علي الـ facebook او تقرأ الـ blog دي

Leave a Comment

Your email address will not be published. Required fields are marked *