التسويق الهرمي

سمعت عن التسويق الهرمي قبل كدا !!

تعرف ان فيه نوع من انواع التسويق محرم دوليا ؟

التسويق الهرمي
التسويق الهرمي

 

سمعت عن التسويق الهرمي قبل كدا !!

 

التسويق الهرمي هو نموذج احتيالي هدفه جمع الأموال من أكبر عدد من المشتركين فهو عبارة عن دائرة مفرغة ملهاش معنى،

مفيش منتج حقيقي بيتباع وحتى لو في منتج فهو بيتباع بأكبر من تمنه الحقيقي وكل اللي بيحصل أنك بتكون ضحية بتحاول تجلب مزيد من

الضحايا والرابح فقط هم من في أعلى الهرم.

شركات بتقوم على الموضوع دا وتبدأ تدور علي ناس تشتغل وتقولهم فيه فرصة شغل هتغير حياتك

وشروطها هي انك تشتري من منتجات الشركة بمبلغ كذا مثلا وكمان تجيب ناس تشترك معاك

انت بيتطلب منك تدفع فلوس وتجيب ناس تدفع فلوس انت متخيل ؟

وفعلا يمر الوقت وتاخد نسبة بس نسبة بسيطة لأن النسبة الكبيرة بتروح للشخص اللي بيترأس الهرم دا !!

وتفضل تدخل في ناس والناس تدفع فلوس والنسبة اللي تعود عليهم بسيطة جدا وأرباح الشركة تتزايد مع مرور الوقت

زي شركة vemma اللي بدأت في 2004 ووصلت أرباحها لـ200 مليون دولار في سنة 2013

ودا بسبب ان كان فيه 30 الف شخص بيدخل في الشهر وطبعا كل ما عدد الموظفين بيكبر كل ما نسبة الربح بتقل ودا فعلا اللي حصل

لأن 80% من اللي كانو مشتركين بدأو يشتكو انهم مش بيوصلهم ارباح

وهنا بدات الشركة تدخل في مسألة قانونية وانتهت ب أن الشركة بتستخدم التسويق الهرمي

وبعدها الشركة قفلت ! وكل الناس خسرت فلوسها

 

طب هو التسويق الهرمي ممنوع دوليا ؟ 

 

التسويق الهرمي ممنوع في دول كتير جدا ومنهم مصر بس المشكلة ان فيه ناس بتتحايل وبتظهر ب اشكال تانية عشان ميتفهمش انه تسويق هرمي

طب ازاي بيعملو كدا ؟؟

1 – عشان ساعات بيبان انك بتشتري منتجات الشركة فا الموضوع مش باين انه فيه نصب بس بتشتريها ب اكتر من تمنها بكتير

2 – ساعات بيحطوا غطاء قانوني فا انت تحس انك مينفعش تشك فيهم لأن كل حاجة ماشية بالقانون

بس دا عشان الناس متقعدش تسأل ازاي كل الارباح دي بتيجي اصلا

3 – دا غير انهم ممكن يتداروا ورا شركات ومؤسسات كبيرة عشان تضن ان الموضوع مش نصب

 

طب ازاي تفهم ان دا نصب ؟؟

اي شركة تطلب منك تدفع فلوس عشان تشتغل او تشتري منتجات الشركة ارفض فورا

اي شركة تطلب منك انك تدخل مشتركين او بالمسمى ” موظفين ” افهم ان دا نصب

ادخل اشترك معانا دلوقتي  في باقات التسويق

ولو عايز تعرف اكتر عن الـ Marketing بشكل عام او تتعرف علي حاجات لازم تاخد بالك منها لو انت صاحب شركة  تقدر تزور صفحتنا علي الـ facebook او تقرأ الـ blog دي

Leave a Comment

Your email address will not be published. Required fields are marked *