ايه المشكلة اللي ممكن تحصلك كـ Marketer ؟؟ 

ايه المشكلة اللي ممكن تحصلك كـ Marketer ؟؟ 

حاجات كتير ممكن تحصلك لو انت Marketer تعملك مشكلة في شغلك 

زي ايه مثلاً ؟؟ 

هقولك ياسيدي .. طب ماتيجي نشوف ايه المشكلة اللي ممكن تحصلك كـ Marketer ؟؟  

1- الأهداف التسويقية الغير متسقة مع الواقع 

 

معظم أصلا الشركات بتحط لنفسها Target كدة بيكون مش متماشي مع الواقع تماماً 

وديه حاجة بتخليها تفشل في تحقيق أهدافها طبعاً 

علي سبيل المثال لما تكون شركة لسه بتقول بسم الله الرحمن الرحيم

والجلالة تاخدك وتيجي تحط هدف أو عائد ربح 100% من الجهود التسويقية في خلال 3 شهور 

بالرغم ان ده مش واقعي تماما وصعب يحصل وخصوصا انك لسه بادئ 

عشان كده وانت بتحط اهداف شركتك التسويقية انك تراعي السوق المحاط بيك كويس اوي 

وتعرف تحط الأهداف معقولة للوضع اللي انت فيه 

2- انك ماتعرفش جمهورك المستهدف 

 

انك ماتكونش علي دراية كاملة بالجمهور اللي انت المفروض هتتعامل معاه طول مانت في البيزنس بتاعك 

ديه فيها كارثة كبيرة 

فالمنتج أو الخدمة من غير جمهور مهتم بيها أو يشتريها فهو منتج فاشل 

عشان كده لازم تعرف مين جمهورك المستهدف كويس وتعرف هو عايز ايه 

وايه هي القدرة الشرائية وايه المشاكل اللي بتواجهه 

وهل المنتج بتاعك بيحل مشكله فعلاًً هو بيواجهها ولا لا ؟؟ 

هل المنتج في ميزة ولا لا ؟؟ 

طب المنتج ده في ميزة تخلي العميل عنده رغبة شرائية اتجاهه ولا لا ؟؟ 

3- عدم الإهتمام بدراسة المنافسين 

 

دراسة المنافس تعتبر من أهم الخطوات اللي انت لازم تعملها كـ Marketer 

لأنه ببساطة هتبقي عامل زي اللي واقف في أوضة ضلمة مش شايف حاجة قدامه ومش عارف يميز ايه اللي حواليه 

فانت هتعرف ازاي مميزات وعيوب المنافس غير لما تدرسه كويس ؟؟ 

لازم تكون عارف المميزات بتاعة المنافس وقادر تغلبها وتتفوق عليها 

وتكون عارف سلبيات المنافس وتقدر تستغلها لصالحك 

ببساطة هتقدر تجذب شريحة كبيرة من الجمهور المنافس 

عكس لو كنت مش مدى المنافسين الاهتمام اللازم، 

ده هيخلي جهودك التسويقية تخضع للدعاية السلبية الغير مباشرة من المنافسين،

 وفى الغالب هيستخدموا هما سلبياتك فى جذب جمهورك وتحويل ولائهم بسهولة.

4- الثبات

 

السوق دايم التغيير وأى محاولة للثبات وقت حدوث الطوفان هي محاولة فاشلة وغير حكيمة؛

 عشان كده ديمًا لما يكون تغيير فى السوق المستهدف وعنصر جديد مضاف فيه،

 ماتضيعش وقتك فى محاربته على قد ما تركز فى إنك تتدرسه وتعرف مميزاته وإزاى تضيفها ليك.

5- التوسع الغير محسوب

 

التوسع فى النشاط وفى الشريحة المستهدفة أمر إيجابي طبعًا، لكم من الممكن إنه يتحول لنقطة الهبوط بالنسبة لشركتك لو متعملش بطريقة صحيحة.

فلو ناوى تتوسع- أى كان نوع توسعك أفقى أو رأسي، لازم تكون جهودك التسويقية متوافقة مع نوع وحجم التوسع ده، ولازم يكون السوق جاهز لنوع ده من التوسعات مش يكون فى غنى عنها.

6- إهمال البحوث التسويقية

 

البحوث التسويقية المنشورة بمختلف أنواعها ومصادرها هى مصباحك السحرى فى مجال التسويق، فعن طريقها تعرف تكتشف أراء المستهلكين ورغباتهم، بالإضافة إنك تقدر تكتشف بوصلة المجال رايحة فين، فمتستمرش فى منتج هيكون مالوش قيمة بعد فترة، وتبدأ فى نشاط جديد هيكون هو المستقبل الجديد.

وفي النهاية انت لازم تاخد بالك من كل خطوة انت بتعملها لأن انت وضعك حساس جداً 

 

ولو عايز تعرف اكتر عن الـ Marketing بشكل عام او تتعرف علي حاجات لازم تاخد بالك منها لو انت صاحب شركة  تقدر تزور صفحتنا علي الـ facebook او تقرأ الـ blog دي

 

Leave a Comment

Your email address will not be published. Required fields are marked *