التفاعل و نجاحك

التفاعل هو هدف أسمي لكل الصفحات علي الـ Social Media 

كل الصفحات بتسعي إن التفاعل عندها يزيد و يفضل في تزايد مستمر 

طيب إيه هو أصلاً و ليه كل الصفحات بتسعي وراه بإستمرار كده ؟ 

بص يا سيدي ، التفاعل ده بإختصار هو أي خطوة بيخدها الجمهور في الـ Post الخاص بيك 

سواء كان ( Comment أو Like أو Share أو Save Post أو أي حاجة تانية ) 

و التفاعل لما يكون زايد و الـ Reach عندك عالي ، الـ Facebook ينبسط منك جداً و يحبك لأن شايف الجمهور بيحبك و بيتفاعل معاك 

فيبتدي يظهرك لجمهور مشابه للجمهور إللي إنت ظهرتله و تفاعل معاك ، ويبتدي الجمهور المشابه يتفاعل معاك أكتر ، و هكذا 

علشان كده بقي أنا النهاردة جاي أقولك إزاي تزود التفاعل الخاص بيك علي الـ Social Media 

في طريقتين تقدر تزود بيهم التفاعل الخاص بيك علي الـ Social Media 

1- أول طريقة هي الإعلانات 

و الطريقة دي تعتبر الأسهل و الأسرع بالنسبة لأي حد ، بس مش الأوفر خالص 

و ده لأنك من الآخر بتصرف فلوس للـ Facebook علشان يجيبلك جمهور بالمواصفات إللي بتقولهاله علشان يجي و يتفاعل معاك 

أما بالنسبة للأعداد فهي بتتزايد كل ما تدفع فلوس ، حاجة كده زي ( شخلل علشان تعدي ) 

و في الطريقة دي إنت كل إللي بتعمله إنك بتعمل Content تفاعلي محترم 

بعد كده تعمله Design ملفت و حلو ، و تقول للـ Facebook إنك عايز جمهور بالمواصفات كذا 

و تدفع فلوس و علي قد فلوسك هيجيلك تفاعل 

 

2- تاني طريقة هي الـ Organic ( التفاعل الطبيعي أو المجاني ) 

طبعاً إنت شوفت مجاني فرحت ، بس أحب أقولك ماتفرحش لأن الطريقة بتشوف نتيجيتها علي المدي البعيد ، و برضو هتدفع فيها في الأول 

في الطريقة دي إنت بتعمل كذا خطوة ، و هم 

– قبل أي حاجة لازم تحلل التفاعل إللي موجود عندك دلوقتي و تعرف إنت بيتفاعل معاك قد إيه و عندك كام واحد متابعينك و هل كلهم بيتفاعلوا معاك ولا لأ 

– تاني حاجة بقي و هي إنك تعمل Content Strategy تمشي عليها و تقدر من خلالها إنك تزود التفاعل الخاص بيك 

و الـ Content Strategy دي أهم حاجة لازم تعملها ، و لو معملتهاش ، هتبقي زي مدرب منتخب مثلاً نازل ماتش نهائي من غير ما يعمل خطة المنتخب يمشي عليها 

– تالت حاجة بقي هي إنك تتعرف علي جمهورك كأنك بتعرفه من أول و جديد 

يعني كأنك بتعمل Refreash لعلاقتك بجمهورك 

طيب إزاي تعمل كده ، تعالي أقولك 

إنك تعرف هم بيتواجدوا علي أنهي Platforms علي الـ Social Media و تبتدي تتواجد عليها أكتر و تركز عليها 

بعدين تعرف هم أصلاً بيتواجدوا في أنهي وقت في اليوم و تبتدي تنزل فيه Posts أكتر و يا سلام لو الـ Post ده تفاعلي كده و جمهورك بيحبه 

و دي تاخدنا لآخر حاجة ، و هي إنك تعرف أصلاً جمهورك بيحب أنهي نوع من الـ Content و تنزله أكتر من الأنواع التانية 

بس يا سيدي ، دي كانت طرق تقدر بيها تزود التفاعل الخاص بيك علي الـ Social Media 

تابعنا علي صفحتنا علشان تعرف كل جديد 

Leave a Comment

Your email address will not be published. Required fields are marked *