التسويق في مجال الألعاب

التسويق في مجال الألعاب

 

مجال الألعاب يعتبر من المجالات المهمة جداً في المجتمع

لأنه بيستحوذ على فئة كبيرة جداً من جميع الأعمار ومن جميع الجنسيات

وعشان كده مجال الألعاب أصبح ليه أهمية كبيرة وزيه زي باقي المجالات

عشان كده في شركات كتير ليها أساليب كتير ومختلفة في تسويقها للألعاب

وعشان كده .. النهارده هنتكلم على التسويق في مجال الألعاب

في بداية عصر الألعاب كانت الالعاب بيتم تسويقها عن طريق المقالات او الصور في بعض المجلات،

وبتتسوق عن طريق اعلانات التلفزيون وأحياناً عن طريق صورة غلاف اللعبة

لكن في الفترة ديه الألعاب بقت بيتم التسويق ليها بطرق وأساليب متعددة فريدة ومتميزة عن غيرها في طرق التسويق الحديثة.

صناعة الالعاب بقت من أكبر الصناعات في العالم

حوالي 60% من الشعب الأمريكي بيلعبوا ألعاب الفديو ومتوسط عمرهم 30 سنة!

والموضوع ده أثر على طرق التسويق وبقي التسويق متوجه أكتر للشباب

و من أساليب التسويق في صناعة الألعاب:

Alternate Reality Game

هو أسلوب من أساليب التسويق اللي بتاخد الناس خارج حدود اللعبة

عن طريق طور تعاوني في العالم الحقيقي لاكتشاف الغاز بيحطها المطور في فيديو أو موقع

زي مثلاً اللي حصل مع ” ميتل جير سوليد 5 ” وطريقة الإعلان عنه في فيديو محير كان شغل اللاعبين الشاغل لمدة طويلة جداً

الإعلان الاكتر شهرة في هذا المجال هو إعلان (Halo i love bees)

الاعلان كان عن طريق موقع من المفترض انه يكون موقع لمربين النحل،

وتم الاستيلاء عليه من قبل قوى غامضة ودخل اللاعبين في الغاز محيرة وتحليلات عميقة

عشان يكتشفوا أخيراً جزء جديد من Halo

Online Marketing

مما لاشك فيه ان صناعة الالعاب بقت توازي صناعة افلام هوليود

وانا بتكلم هنا من ناحية الدخل المادي، وده بفضل التسويق الكبير للألعاب والتطور الكبير اللي بيحصل فيه

أغلب الشركات استغلت الطرق الجديدة للتسويق

والتأكد من أن معلومات منتجهم وصلت لأكبر عدد ممكن من الطبقة المهتمة.

وناخذ ” باتل فيلد 4 ” كمثال للتسويق عن طريق الانترنت او Online marketing،

في ” باتل فيلد 4 ” استخدموا اكتر من اسلوب للفت انتباه اللاعبين للعبة

وليه ممكن اللاعب يتحمس لها وينتظرها.

مراجعات باتل فيلد 4 واعلاناتها والإطارات المنبثقة (pop ups) كانت بتشاهد في اغلب مواقع الألعاب،

غير كمان اعلانات اليوتيوب في الفيديوهات اللي ليها علاقة بالألعاب.

هدف مطورين باتل فيلد من الإعلانات ديه بقاء اللاعب على اطلاع تام بآخر التطورات للّعبة،

وصب اهتمامه عليها، والهدف الأكبر هو عزل اللاعب عن الاسم المنافس؛ اللي هو كول اوف ديوتي.

لكن الطريقة ديه اضعف من اللي قبلها، وبدأت تضعف اكتر مع كثرة استخدام الناس لمانع الاعلانات او (Ad blocker).

.

Indie Marketing

بيواجه المطورين المستقلين صعوبة في تسويق العابهم في عالم بتندفع فيه ملايين الدولارات من الشركات الكبرى لتسويق العابها،

و السبب ده حث المطورين المستقلين على ابتكار أفكار جديدة ومختلفة عن العاب الشركات الكبيرة التقليدية

وبتدي الفكرة تجربة فريدة وجديدة من نوعها للاعبين،

علي سبيل المثال لعبة (surgeon simulator) محاكي الجراح،

كل اللي عمله المطور انه بس نشر فيديو يعرض فيه ازاي ممكن اللاعب ياخد دور الجراح وازاي ممكن يمر بتجربة جديدة مش هيلاقيها في لعبة غيرها.

تطور صناعة الالعاب وتطور أساليب تسويقها بينبئ بمستقبل من التطور والانتشار،

لأن أساس الصناعة الناجحة هو التسويق الناجح.

ولو عايز تعرف اكتر عن الـ Marketing بشكل عام او تتعرف علي حاجات لازم تاخد بالك منها لو انت صاحب شركة  تقدر تزور صفحتنا علي الـ facebook او تقرأ الـ blog دي

Leave a Comment

Your email address will not be published. Required fields are marked *