التسويق الشفهي ” Word Of Mouth Marketing ” 

التسويق الشفهي ” Word Of Mouth Marketing ” 

تخيل لما ماتصرفش ولا مليم علي إعلاناتك وتلاقي مردود أكبر من لو كنت صرفت علي إعلاناتك 

حاجة غريبة .. صح .؟ 

ديه حاجة اسمها التسويق الشفهي ” Word Of Mouth Marketing ” 

انهاردة هنتكلم عليها وهنعرف مع بعض ايه هو التسويق الشفهي وكل تفاصيله 

ايه هو التسويق الشفهي ؟؟ 

التسويق من النوع ده بيعتمد بشكل رئيسي علي رضي العميل نفسه علي المنتج الخاص بيك 

وديه اللي بيخليه يقرر انه يرشح المنتج بتاعك لأصدقاؤه أو قرايبه 

والعميل من النوع ده لما يجيلك عيكون جاي عن ثقه في المنتج بتاعك 

وديه حاجة وفرت عليك كتير أوي من مجهود انك تحاول تقنع العميل بالمنتج بتاعك 

هو كده كده جايلك من شخص هو بيثق فيه عشان كده هيتعامل مع المنتج بتاعك أنه مجربه بقاله كتير 

ويعتبر من أشد أنواع التسويق مصداقية 

ايه هي أنواع التسويق الشفهي ؟؟ 

احنا قولنا ان النوع ده في الأصل هو مجاني بس للأسف الشركات مابقيتش تتعامل معاه بالإسلوب ده 

وفي نوعين 

1- الطبيعي : وده بيحصل لما الجمهور من نفسه هو اللي يرشح المنتج بتاعك لأي شخص يخصه من غير مقابل 

2- المدفوع : بيحصل لما أصحاب الـ Brand تبدأ تعمل إعلانات ممولة للمجال ده

 واللي فيها يبدأوا يشجعوا الجمهور انه يتعاملوا مع المنتج 

طب ياتري ايه هي المميزات ؟؟ 

في مميزات كتير بتخلي أصحاب الشركات تتعامل مع التسويق الشفهي زي مثلاً 

1- التكلفة المنخفضة 

2- زيادة المصداقية بالـ Brand 

3- زيادة الوعي بالـ Brand 

4- زيادة المبيعات والأرباح 

ايه هي أبرز الإستراتيجيات اللي بيتبعها التسويق الشفهي ؟؟ 

1- انه بيخليك متواصل دايمأ مع المؤثرين 

2- إغراء العميل بالخصومات 

3- اعمل هدايا للعملاء 

4- اطلب منهم تقييمات للمنتج بتاعك 

5- تشجيع المحتوي الخاص لعملائك 

طب ياتري ايه هي عيوب التسويق الشفهي ؟؟ 

زي ما كلنا عارفين ان أي حاجة بتكون سلاح ذو حدين وان كل حاجة ليها الحلو والوحش 

فالتسويق الشفهي ليه برضو زي مثلاً 

1- مش هتقدر تسيطر علي التسويق لأن الجمهور هو المتحكم 

2- مفيش ضمان ان المبيعات تزيد 

3- تأثيره مش هتقدر تقيسه 

4- التوقعات الغير واقعية عنك وعن منتجك 

ولو عايز تعرف اكتر عن الـ Marketing بشكل عام او تتعرف علي حاجات لازم تاخد بالك منها لو انت صاحب شركة  تقدر تزور صفحتنا علي الـ facebook او تقرأ الـ blog دي

Leave a Comment

Your email address will not be published. Required fields are marked *