استراتيجية ناجحة

افضل 5 خطوات لبناء استراتيجية تسويق ناجحة

ازاي تعمل استراتيجية تسويق ناجحة ؟

. تعريف الاستراتيجية : هي عبارة عن خطة تسويقية شاملة بتستخدمها الشركات عشان توصل للمستهلكين المحتملين وتحويلهم إلى عملاء لمنتجاتهم أو خدماتهم.

وهي عبارة عن تقرير بيوضح الاستراتيجية التسويقية للسنة الجاية, يمكن نعتبرها خطة عمل او دليل هنرجعله بعدين لتقييم الأداء.

كتير من أصحاب المشاريع وخاصة أصحاب المشاريع الصغيرة – بيبدأوا مشاريعهم بدون وضع خطة تسويقية واضحة لمشروعهم إعتقاداً منهم انها مش مهمة ومش هتفيدهم في حاجة،على الرغم إن الخطة التسويقية مهمة جداً لأي بيزنس سواء كان صغير أو كبير لإنها بتوضح مسار الشركة وبتعرف من خلالها إيه هي نقاط القوة والضعف وإيه هي الوسائل إللي هتساعدك في نجاح مشروعك.

طب ايه هي خطوات الاستراتيجية الناجحة ؟

1- لازم تحدد مكانك فين : ودا عن طريق انك لازم يكون عندك خلفية كبيرة عن البيزنس بتاعك او البيزنس اللي هتعمله ستراتيجية لانك مش هتعرف تعمل ستراتيجية وانت مش عارف معلومات كفاية عن البيزنس دا ولازم تسأل نفسك كذا سؤال

– إيه هي الخدمات إللي بيقدمها البيزنس؟

– هل البيزنس ليه تواجد على الأرض ولا أونلاين فقط ولا الاتنين ؟

– ايه مميزات البيزنس بتاعك وايه عيوبه ؟

2 – ايه هي ال Objectives ؟

لازم تعرف البيزنس بتاعك اهدافه ايه وعايز يوصل ل فين

ولازم وانت بتدور علي اهداف البيزنس تكون اهداف محددة و واقعية وتقدر تقيس مدي نجاحها وفشلها يعني تكون قابلة للقياس زي مثلا انك عايز تزود مبيعات المنتج بتاعك طب عايز تزودها كام % ؟ او مثلا عايز توصل ل 10000 متابع علي الفيسبوك

كمان لازم تحط وقت لنفسك وانت بتشتغل علي اهدافك متسبش الدنيا عايمة

3 –  استراتيجية تحقيق الاهداف

ودي المرحلة اللي بعد تحديد الاهداف علي طول وهي انك بتشوف هتحقق الاهداف دي ازاي وايه اللي ممكن تعمله يسهل عليك تحقق الاهداف دي زي مثلاً من ضمن أهدافي هي زيادة عدد الـ Fans إلي مليون شخص، بوضح إيه هي الخطوات اللي هعملها عشان العدد يزيد ويوصل لمليون شخص، زي مثلاً إننا هانعمل حملات إعلانية مدفوعة يكون الهدف منها هي زيادة عدد الـ فانز.

4 – دور علي المنافسين بتوعك

 من الضروري جداً إنك تحدد المنافسين بتوعك وتعرف كل حاجة عنهم، زي الخدمات إللي بيقدموها، أسعار المنتج، طريقتهم التسويقية، هل ليهم تواجد أونلاين ولا لأ؟ ولازم تعرف ايه نقاط القوة والضعف عندهم عشان هتستغل الاتنين بعد ما تحلل منافسينك وتعرف كل حاجة عنهم لازم تقدم ميزة تنافسية تتميز بيها عن غيرك من المنافسين، ولو انت ماعندكش المقدرة انك تتميز عنهم، على الأقل لازم تكون في نفس مستوى الخدمة اللي بيقدموها مش أقل منهم.

5 – قمع مبيعاتك

 بمعني انك لازم تمشي في عملية بيع معينة وليها مراحل معينة والمراحل دي هي اللي بيمر بيها المستهلك وبيتقال عليها القمع او الشكل المخروطي اللي بيمشي فيه مسار البيع وهو ال sales funnel ودا عن طريق انك بتجذب انتباه العميل بتاعك ب سؤال او مشكلة عنده عشان يهتم بيك ويبدأ يتابعك وداعن طريق الكونتنت رايتنج اللي بتقدمه وبيستفيد بيه ف يبدأ ياخد action معاك 

لو عايز تعرف اكتر عن مجال التسويق الالكتروني من خلال مدونتنا او صفحتنا علي الفيسبوك

Leave a Comment

Your email address will not be published. Required fields are marked *