أفكار المحتوي

أفكار المحتوي

أفكار المحتوي كتير جداً و مابتخلصش 

لأن مع كل يوم و كل حدث بيحصل بتتولد فكرة جديدة 

بس للأسف كتير جداً مننا بيقع في حالة كده مابيعرفش بسببها يطلع أفكار محتوي جديدة و دماغه بتبقي قافلة حرفياً مش عارف يكتب حرف 

و ده بيأثر علينا بالسلب لأننا بنبقي عايزين نجدد من شغلنا و نقدم أفكار جديدة لجمهورنا 

علشان كده انا النهارده جي أقولك علي أفكار المحتوي إللي من خلالها تقدر تخرج من الحالة دي و تطلع أفكار جديدة تطور بيها من شغلك 

1- إستخدم الفيديوهات 

الفيديوهات ليها تأثير كبير جداً علي الناس 

يعني لو بتشرح حاجة للناس بالكتابة غير لما تشرحها بالفيديو 

بالفيديو هيفهمهم أكتر و هيوصلهم المعلومة أسرع 

و ده السبب إن الناس بتحب الفيديوهات عن القراءة 

علشان كده لازم تستخدم الفيديوهات في شغلك و في المحتوي إللي بتقدمه لجمهورك 

2- تنبأ باللي هيحصل 

حاول دايماً تكون متوقع إللي هيحصل و إللي جاي سواء كان حلو أو وحش 

يعني لو وحش و هيضرك تجنبه بأي طريقة 

زي فترة الكورونا ناس كتير كانت متوقعة الأزمة إللي هتحصل و بالفعل تجنبوها ، و مش هقولك ماتضروش 

هم اه إتضروا بس كانوا أقل ضرر 

و لو حاجة حلوة أو ترند توقعها و إستخدمها و خليك سابق غيرك 

3- إسر.ق بس ماتسر.قش 

المقصود هنا إنك تشوف غيرك بيتكلم عن إيه و ممكن تاخد الموضوع إللي بيتكلم عنه و تتكلم عنه بطريقتك إنت و تضيف عليه كمان 

و إللي هتضيفه ده تكون عارفه و عارف بتقول إيه ، مش أي كلام و خلاص 

و غير كده لما تقلب في صفحات غيرك ده هيفتحلك أفكار جديدة مختلفة تقدر تتكلم عليها 

علشان كده متابعة المنافسين دي حاجة كويسة ليك 

4- إعمل قائمة بحاجات عايز تعملها 

الـ To do List مهمة جداً لأنها بتنظملك شغلك و غير كده بتكمل معاك لوقد طويل شوية 

و كل الوقت ده إنت مش هتحتاج تفكر في أفكار جديدة لأنك مدون و مخطط الأفكار إللي هتتكلمها لمدة معينة 

يعني مثلاً ممكن تعمل قائمة بأكتر 10 Tools مفيدة في مجالك و تتكلم عنهم واحدة واحدة 

و ممكن تعمل قائمة بأكتر 10 منتجات شبيها لمنتجاتك ، و هكذا 

دول كانوا شوية أفكار و خطوات هتخرجك من حالة الـ Mind Block و تخليك تقدم أفكار جديدة و شغل جديد لجمهورك 

تابعنا علي صفحتنا علشان تعرف كل جديد

Leave a Comment

Your email address will not be published. Required fields are marked *