أضرار الـ Social Media

الـ Social Media دلوقتي بقت في حتة تانية خالص عن أول ظهورها و معرفتنا بيها 

دلوقتي بقي العالم عنده مشكلة في رقبته بسبب إنه طول اليوم باصص في الموبايل ، والله و أنا واحد منهم 💔

و ده علشان الـ Social Media سهلت علينا حاجات كتير جداً أولهم إنها قربت الناس من بعض أكتر و بقي التواصل بينهم أسهل بكتير من زمان و أسرع كمان 

و غير كده من ناحية التسويق الموضوع فرق كتير عن الأول 

بقي دلوقتي أي حد ممكن يسوق لمنتجه أو خدمته إللي بيقدمها للناس بكل سهولة و بأسرع وقت و بأقل تكلفة عن التسويق في الأول 

بس قبل ماعينك تقلب قلوب و تحب الـ Social Media جداً كده  

تسمحلي أقولك إن زي ما الـ Social Media ضافتلنا كتير ، فهي برضو أخدت مننا كتير و سببت لينا مشاكل و أمراض كتير 

و أنا النهارده جي أنبهك و أعرفك علي الأضرار إللي في حياتنا و بتهدد حياتنا بسبب الـ Social Media 

1- الإكتئاب 

أهو ، بسم الله الرحمن الرحيم أول حاجة إكتئاب 

طيب إنت هتسألني و تقولي طيب إيه إللي يخلي واحد زيي بيشيرر ميمز و مقضيها علي الـ Social Media يجيله إكتئاب ؟!! 

هقولك لأن إنت وقتك كله مقضيه علي الـ Social Media زي ما قولت ، يعني منعزل عن الناس و الكلام و الحركة و الخروج و كل حاجة بتمنع الإكتئاب 

و غير كده لأن أصلاً الـ Social Media دي كدابة 

اه كدابة ، لأنها بتبينلك إن النجاح هو إنك يبقي عندك شركات كتير و عربيات كتير كلهم أنواع من إللي هي مابتتجابش دي و يختين تلاتة و كل يوم سهر و فسح و فلوس و كلام من ده ، فبشكل أو بآخر بتقتنع إنك مش هتبقي ناجح غير لما توصل لكل ده

مع العلم إنك ممكن أصلاً تكون ناجح في حياتك أو في شغلك ، بس علشان الـ Social Media بينتلك إن العالم الطبيعي هو إللي إنت شايفه ده ، و إن إنت أقل منهم و مش عايش معانا في العالم الطبيعي 

و هو أصلاً مش طبيعي و مش واقع و الواقع حاجة تالتة مش تانية بس 

2- عدم التركيز 

ما لما الواحد طول الوقت يكون باصص في الموبايل و مابيريحش عينيه لدقايق حتي 

طبيعي تركيزه يقل و مايعرفش يركز في حاجة في باقي جوانب حياته 

و ده بينتج عن قلة النوم إللي بتنتج عن إستخدام الـ Social Media لوقت طويل 

3- العزلة و الوحدة 

لو إنت من الناس إللي بيستخدموا الـ Social Media بشكل يومي لساعات طويلة و زيادة عن اللازم 

تلقائي هتلاقسي نفسك بتنعزل عن إللي حواليك و بتقضي معظم وقتك إذا ماكانش وقتك كله لواحدك 

و ده بيأدي للأمراض النفسية و الإكتئاب … برضو 

4- التأثير علي الصحة الجسدية و النفسية 

إستخدام الـ Social Media لمدة طويلة بيأثر علي جهازك المناعي و علي النظر 

ده غير الحاجات إللي ممكن تشوفها ممكن تأثر عليك و علي نفسيتك بالسلب 

تابعنا علي صفحتنا علي الـ Facebook علشان تعرف كل جديد

Leave a Comment

Your email address will not be published. Required fields are marked *